السلام علیکم! کیا فرماتے ہیں مفتیانِ کرام اس مسئلہ کے بارے میں کہ کسی آدمی کے پاس موبائل فون ہیں، اور کسی دکاندار نے غلطی سے ایزی لوڈ کروایا، اب ان پیسوں کو اس آدمی کے لیے استعمال جائز ہیں یا ناجائز؟ اور اس آدمی کو پتہ بھی نہیں ہے کہ یہ پیسے بھیجے ہیں، احادیث اور قرآن کریم کی روشنی میں جواب دیں ۔
اگر یہ رقم کسی کمپنی یا کسی جاننے والے کی طرف سے ہو، اور عرفاً اس کی اجازت بھی ہو تو اس کا استعمال کرنا بلاشبہ جائز اور درست ہے ورنہ نہیں، جب کہ لوڈ کرنے والے کا نمبر عموماً آہی جاتا ہے، اس لئے اس کو آگاہ بھی کیا جاسکتا ہے ،اور لوڈ کردہ رقم واپس بھی کی جا سکتی ہے۔ والله تعالی اعلم بالصواب