طلاق

کسی مخصوص شخص کو میسج کرنے پر طلاق معلق کرنے کے بعد اس کے ہم نام کو میسج کرنے کا حکم

فتوی نمبر :
100745
| تاریخ :
2026-10-25
معاملات / احکام طلاق / طلاق

کسی مخصوص شخص کو میسج کرنے پر طلاق معلق کرنے کے بعد اس کے ہم نام کو میسج کرنے کا حکم

السلام علیکم ورحمۃ اللہ وبرکاتہ!
مجھے طلاق کے ایک مسئلے میں شرعی رہنمائی چاہیے۔ مسئلہ یہ ہے کہ میں بے روزگار ہوں اور میں ایک کمپنی میں کام کرتا تھا جس کے مالک کا نام ۔۔۔تھا ۔لیکن میں نے وہاں سے کام چھوڑ دیا پھر میری بیوی کے ساتھ بات ہوئی تو بیوی نے کہا کہ میں آپ کی بوس ۔۔۔ کو میسج کرتی ہوں وہ آپ کو کام پر رکھ کیں گے۔تو اس پر میں نے غصے میں اپنی بیوی سے کہا تھا اگر تم نے ۔۔۔کو میسج کیا تو ہمارا رشتہ ختم ہو جائے گا اس وقت میری مراد اپنے سابقہ بوس ۔۔۔تھا۔ اور میرے ذہن میں طلاق دینے کا ارادہ تھا، بعد میں میری بیوی نے اپنے کسی رشتہ دار جس کا نام ۔۔۔ہے کو میسج کرنے کیلئے اجازت مانگی کہ میں اس کو میسج کرلوں، تو میں نے کہا ہاں کر لو اس کے بعد اس نے دوسرے۔۔۔اپنے رشتہ دار کو میسج کیا۔
میرا سوال یہ ہے کہ میرے ان الفاظ سے شرعا طلاق واقع ہوئی یا نہیں ؟ میری نیت طلاق کی تھی لیکن میرا مراد سابقہ بوس۔۔۔ کو میسج کرنے کا تھا جب کہ میری بیوی نے کسی دوسرے ۔۔۔ کو میسج کیا اور اس کے لیے مجھ سے اجازت بھی لی تھی۔ برائے کرم قران وسنت اور شرعی اصولوں کی روشنی میں میری رہنمائی فرمائے۔

الجوابُ حامِدا ًو مُصلیِّا ً

سوال میں درج تفصیل کے مطابق جب سائل نے مذکور الفاظ "اگر تم نے ۔۔۔کو میسج کیا تو ہمارا رشتہ ختم ہو جائے گا" ایک خاص تناظر اور اپنے سابقہ بوس سے فیور کیلئے میسج نہ کرنے کیلئے کہے تھے تو یہ تعلیق بھی اسی حد تک محدود رہے گی اس کی وجہ سے اس بوس کے کسی ہم نام شخص کو دیگر مقاصد کیلئے میسج کرنے سے کوئی طلاق واقع نہ ہوگی ۔لہذا سائل کی بیوی کا اپنے رشتہ دار کو میسج کرنے سے ان کے رشتہ پر کوئی فرق نہیں پڑا بلکہ نکاح بدستور برقرار ہے اس لیے بلاوجہ شکوک وشبہات میں پڑنے کی ضرورت نہیں۔

مأخَذُ الفَتوی

کما فی الدر المختار: (كنايته) عند الفقهاء (ما لم يوضع له) أي الطلاق (واحتمله) وغيره (ف) الكنايات (لا تطلق بها) قضاء (إلا بنية أو دلالة الحال،اھ(كتاب الطلاق،‌‌باب الكنايات،ج: 3،ص: 296،مط: دارالفکر)
و فی موسوعۃ الفقه علی المذاہب الاربعة: فذهب جمهور الفقهاء الحنفية والشافعية والحنابلة إلى أنه إذا علق طلاق امرأته بشرط غير مستحيل لم يقع الطلاق قبل وجود الشرط؛ لقول النبي صلى الله عليه وسلم: «المؤمنون عند شروطهم»، ولأنه علق الطلاق على شرط غير مستحيل؛ فلم يقع الطلاق قبل وجود الشرط،اھ(حكم تعليق الطلاق على أمر مستقبل،ج: 17،ص: 557،مط: دار التقوی)

واللہ تعالی اعلم بالصواب
سید قدرت اللہ یار عُفی عنه
دار الافتاء جامعه بنوریه عالمیه
فتوی نمبر 100745کی تصدیق کریں
0     49
Related Fatawa متعلقه فتاوی
  • تحریر کردہ طلاق نامہ کے ذریعہ طلاق کا حکم

    یونیکوڈ   اسکین   طلاق 7
  • مذاق میں بیوی کو طلاق کاغذ پر لکھ کر دیدی

    یونیکوڈ   اسکین   طلاق 1
  • بیوی کو حرام زادی کہنے سے نکاح متاثرہوگا؟

    یونیکوڈ   اسکین   انگلش   طلاق 2
  • دل دل میں طلاق دینا

    یونیکوڈ   اسکین   طلاق 1
  • ایک کاغذپر تین طلاق لکھ کر دینے سے کتنی طلاقیں واقع ہوں گی؟

    یونیکوڈ   اسکین   طلاق 2
  • تم میری بہن کی طرح ہو کہنے سے بیوی پر طلاق واقع ہوگی؟

    یونیکوڈ   اسکین   طلاق 1
  • بیرون ملک شادی کے لئے پہلی بیوی کے نام عارضی طلاق نام بنوانا

    یونیکوڈ   اسکین   طلاق 2
  • اسلام قبول کرنے کے بعد عیسائی شوہرسے نکاح خودبخودختم ہوجاتاہے؟

    یونیکوڈ   اسکین   انگلش   طلاق 0
  • پچپن میں نکاح کے بعد بالغ ہونے پر لڑکا پاگل ہوگیا طلاق کیسے ہوگی؟

    یونیکوڈ   اسکین   طلاق 1
  • طلاق نامہ پر دستخط کرنے سے طلاق واقع ہوجاتی ہے؟

    یونیکوڈ   طلاق 0
  • حمل کی حالت میں طلاق دینے کا حکم

    یونیکوڈ   طلاق 2
  • طلاق کا واقعہ سنانے سے مزید طلاق واقع ہونے سے متعلق سوال

    یونیکوڈ   طلاق 2
  • "میں تم کو طلاق دیتا ہوں "بیوی کو غصہ میں تین دفعہ بول دینا

    یونیکوڈ   طلاق 4
  • بیوی کی غیر موجودگی میں, سسر کو تین بار کہہ دینا کہ" میں نے تیری بیٹی کو طلاق دیدی "

    یونیکوڈ   طلاق 1
  • ایک مجلس میں تین طلاق دینے کا حکم

    یونیکوڈ   طلاق 0
  • واٹس اپ کی ریکارڈنگ کے ذریعے طلاق

    یونیکوڈ   انگلش   طلاق 4
  • بیوی کو ڈرانے کے لیے الفاظ طلاق بولنا

    یونیکوڈ   طلاق 2
  • وقوع طلاق کے لیے گواہ شرط ہے؟

    یونیکوڈ   طلاق 0
  • بیوی کی غیر موجودگی میں اس کی طرف نسبت کئے بغیر طلاق کا حکم

    یونیکوڈ   طلاق 0
  • بیوی کو طلاق کا مسئلہ سمجھاتے ہوئے الفاظ طلاق کہنے کا حکم

    یونیکوڈ   طلاق 1
  • یونین کونسل کی جانب سے پہلی طلاق کا نوٹس بھیجے جانے سے مزید وقوعِ طلاق کا حکم

    یونیکوڈ   طلاق 0
  • موبائل پر طلاق دینے کا حکم

    یونیکوڈ   طلاق 2
  • لفظِ " فارغ "سے طلاق واقع ہونے کا حکم

    یونیکوڈ   طلاق 4
  • بیوی نے کہا کہ "مہر دو اور جانے دو" جواب میں شوہر کا "ٹھیک ہے " کہنے کا حکم

    یونیکوڈ   طلاق 0
  • گھر والوں کی دباؤ میں آکر طلاق نامہ پر دستخط کرنے سے طلاق کا حکم

    یونیکوڈ   طلاق 2
Related Topics متعلقه موضوعات