کیا دوپٹہ اوڑھنا اذان کے وقت عورتوں کے لئے لازم ہے؟ اور اگر عورتیں یہ نہ کریں تو گناہ ہے یا نہیں ؟ اور کچھ لوگ کہتے ہیں کہ واش روم کے دروازے ہر صورت میں بند رہنے چاہیئے جنات کے آنے کی وجہ سے ۔
واضح ہوکہ عورتوں کے لئے سرکو دوپٹہ سے ڈھاپننا آذان کے ساتھ خاص نہیں ، بلکہ عام اوقات میں بھی سر کو دوپٹہ یا کسی چادر سے ڈھانپ کر رکھنا حیا داری کا تقاضہ اور عفت و عصمت کی نشانی ہے ،اس لئے بلاعذر سر کو کھلا رکھنے سے احتراز چاہیئے ۔ جبکہ واش روم غلاظت کی جگہ ہے ،اور غلاظت والی جگہیں سر کش شیاطین و جنات کی آما جگاہ ہوتی ہیں ، اس لئے احتیاط کا تقاضہ یہی ہے کہ واشروم کے دروازے بند رکھنے کا اہتمام کیا جائے ۔