السلام علیکم ! میری بہن کو طلاق ہوئی ہے، اس کے سابق شوہر نے اس کو 3 طلاق لگاتار دیں، پر اس نے لکھ کے نہیں دیا اور نہ لکھ کے دے رہا ہےوہ۔ اب ہم اپنی بہن کا نکاح کروانا چاہتے ہیں، تو کیا ہم نکاح کروا سکتے ہیں ایسے میں؟ شرعی یا قانونی مسئلہ تو نہیں ہوگا؟ طلاق کو 5 سال ہوگئے ہیں تقریباً، دو بچے بھی ہیں جو ہمارے ساتھ رہتے ہیں، جن کا کوئی خرچہ نہیں دیتا، وہ طلاق کی حامی تو ہمارے سامنے بھر چکا تھا ، پر لکھ کے نہیں دیتا ۔
واضح ہو کہ زبانی طورپرصریح الفاظ میں طلاق دینے سےبھی طلاق واقع ہوجاتی ہے، تحریری طورپرطلاق نامہ لکھ کر دینا شرعاًضروری نہیں، لہٰذا صورتِ مسئولہ میں اگر واقعتاً سائل کی بہن کو اس کے شوہر نے ایک ہی مجلس میں صریح الفاظ کے ساتھ تین طلاقیں دے دی ہوں، تو اس سے سائل کی بہن پرتینوں طلاقیں واقع ہوکر حرمتِ مغلظہ ثابت ہوچکی ہے،اب نہ رجوع ہوسکتاہے اورنہ ہی حلالۂ شرعیہ کے بغیر دوبارہ باہم عقدنکاح ہوسکتا ہے، چنانچہ سائل اپنی بہن کانکاح عدت مکمل ہوجانے کے بعد دوسری جگہ نکاح کرنے میں آزاد ہے ۔
البتہ سائل کی بہن کے سابقہ شوہرکی جانب سےاگردوسری شادی کے بعدکسی قسم کی فتنہ انگیزی کااندیشہ ہو،تواس صورت میں قانونی پیچیدگیوں سے بچنے کےلیے کسی ماہرقانون دان سے رائے لیکرپیشگی حل تلاش کرلیاجائے، تو یہ زیادہ بہترہوگا۔
کما فی تنویر الابصار مع الدر المختار: (صريحه ما لم يستعمل إلا فيه) ولو بالفارسية (كطلقتك وأنت طالق ومطلقة) (الی قولہ): (ويقع بها واحدة رجعية، وإن نوى خلافها) من البائن أو أكثر خلافا للشافعي (أو لم ينو شيئا)،الخ (باب الصريح ، ج: 3، ص: 250۔247، مط: سعید کراچی)
وفی الفتاویٰ الھندیۃ: (الفصل الأول في الطلاق الصريح) . وهو كأنت طالق ومطلقة وطلقتك وتقع واحدة رجعية وإن نوى الأكثر أو الإبانة أو لم ينو شيئا كذا في الكنز.( الباب الثاني في إيقاع الطلاق وفيه سبعة فصول، ج: 1، ص: 154، مط: ماجدیۃ)
وفي البحر الرائق شرح كنز الدقائق: قوله: (ويقع طلاق كل زوج عاقل بالغ) لصدوره من أهله في محله،الخ (كتاب الطلاق، ج: 3، ص: 244، مط: رشیدیۃکوئٹۃ)
وفی الھدایۃ: وإن كان الطلاق ثلاثا في الحرة أو ثنتين في الأمة لم تحل له حتى تنكح زوجا غيره نكاحا صحيحا ويدخل بها ثم يطلقها أو يموت عنها " والأصل فيه قوله تعالى: {فَإِنْ طَلَّقَهَا فَلا تَحِلُّ لَهُ مِنْ بَعْدُ حَتَّى تَنْكِحَ زَوْجاً غَيْرَهُ} [البقرة: 230]( فصل فیما تحل بہ المطلقۃ، ج:2، ص:399، مط: شرکت علمیۃ ملتان)۔
و فی بدائع الصنائع : وأما الطلقات الثلاث فحكمها الأصلي هو زوال الملك، وزوال حل المحلية أيضا حتى لا يجوز له نكاحها قبل التزوج بزوج آخر؛ لقوله عز وجل {فإن طلقها فلا تحل له من بعد حتى تنكح زوجا غيره} [البقرة: 230] ، وسواء طلقها ثلاثا متفرقا أو جملة واحدة، الخ (فصل فی حکم الطلاق البائن ، ج :3 ، ص : 187 ، مط : سعید کراچی)