ہدیہ

ایک بیٹے کے نام کئے ہوئے گھر سے ملکیت کا حکم

فتوی نمبر :
100180
| تاریخ :
2026-10-08
معاملات / مالی معاوضات / ہدیہ

ایک بیٹے کے نام کئے ہوئے گھر سے ملکیت کا حکم

میرے دو بھائی اور ایک بہن ہے، تقریباً 4 سے 5 سال پہلے میرے والد اور والدہ میں علیحدگی ہو گئی تھی ، جس کے بعدمیں والد صاحب کے ساتھ رہنے لگا، میرا ایک بھائی ملک سے باہر ہوتا ہے اور بہن شادی شدہ ہے اور چھوٹا بھائی والدہ کے ساتھ رہنے لگا، میرے علاوہ دو بھائیوں اور بہن نے والد صاحب سے سارے تعلقات ختم کر دیے۔
والد اور والدہ کی علیحدگی کے بعد والد صاحب کے نام ایک عدد گھر تھا جو کہ ان کے نام تھا، انہوں نے وہ گھر فروخت کیا، کیونکہ اس علاقے میں عزت خراب ہونے کے بعد وہ علاقہ چھوڑنا پڑا اور والد صاحب نے نئے علاقے میں گھر خریدا اور میرے ہزار دفعہ منع کرنے کے بعد بھی انہوں نے وہ گھر میرے نام سے خریدا اور اس کے تمام کاغذات میرے نام سے بنوائے، اور مجھ سے کہا کہ یہ گھر میں اسی لیے تمہارے نام کر رہا ہوں کہ میرے مرنے کے بعد میرے پوتا اور پوتی اس میں رہیں گے اور اس گھر میں میرے دوسرے بچوں کا حق نہیں ہے، کیونکہ وہ میرے رابطے میں نہیں ہیں، نہ مجھ سے بات کرتے ہیں اور نہ مجھ سے ملنے کے لیے آتے ہیں۔
والدہ سے علیحدگی کے بعد تقریباً 4 سال میرے بہن بھائیوں نے والد صاحب سے رابطہ نہیں کیا اور میرے والد صاحب نے بار بار یہ الفاظ کہے کہ اس گھر پر کسی کا حق نہیں ہے، یہ میں نے تمہیں اور تمہارے بچوں کو گفٹ کر دیا ہے، پچھلے سال میرے والد کا انتقال ہو گیا ہے، قانونی طور پر تو یہ میرا گھر ہے، لیکن مسلمان ہونے کے ناطے میں آپ سے اس مسئلے پر رہنمائی چاہتا ہوں کہ دین مجھے اس بارے میں کیا حکم دیتا ہے،کیونکہ میں اپنے والد کی آخرت اور قبر کے معاملات کو خراب نہیں کرنا چاہتا ہوں۔

الجوابُ حامِدا ًو مُصلیِّا ً

صورت مسئولہ میں سائل کابیان اگرحقیقت پرمبنی ہواوراس میں کسی قسم کی غلط بیانی سے کام نہ لیاگیاہو اس طورپرکہ سائل کےوالدمرحوم نےاپنی صحت والی زندگی میں سائل کومذکورمکان کاغذات میں نام کروانےکےساتھ اس مکان کا باضابطہ مالک وقابض بھی بنا دیا ہو،تووہ مکان سائل کی ملکیت بن چکاہے ،لہذامذکورمکان والدکے انتقال کے بعد ترکہ میں شامل کرکے ورثاءمیں تقسیم نہیں کیاجائےگا،لیکن اگروالدمرحوم نےسائل کے نام مکان صرف کاغذات میں کیاہو،اس پرباقاعدہ مالکانہ تصرف اوراختیارنہ دیاہو ، تووہ بدستوروالدمرحوم کی ملکیت ہے ،جسے ترکہ میں شامل کرکے تمام ورثاء میں حسب حصص شرعی تقسیم کرنالازم ہے۔

مأخَذُ الفَتوی

کمافی شرح المجلۃللأتاسی: "كل يتصرف في ملكه كيف شاء…"، (الفصل الاول فی بیان بعض قواعد فی احکام الاملاک، ج:4، ص: 132، رقم المادۃ: 1192،مکتبۃاسلامیۃ کوئٹۃ)۔
وفی الدرالمختار:( وتتم)الهبة( بالقبض)الكامل(ولو الموهوب شاغلا لملك الواهب لا مشغولا به)والأصل أن الموهوب إن مشغولا بملك الواهب منع تمامها۔الخ(كتاب الهبة، ج:5، ص:690، مط:سعید)
وفی الفتاوى الهندية: ومنها أن يكون الموهوب مقبوضا حتى لا يثبت الملك للموهوب له قبل القبض وأن يكون الموهوب مقسوما إذا كان مما يحتمل القسمة وأن يكون الموهوب متميزا عن غير الموهوب ولا يكون متصلا ولا مشغولا بغیرالموھوب اھ (الباب الأول تفسير الهبة وركنها وشرائطها وأنواعها وحكمها، ج:4،ص:374،مکتبۃماجدیۃ)
وفی بدائع الصنائع فی ترتیب الشرائع: والقبض عندنا هو التخلية، والتخلي وهو أن يخلي البائع بين المبيع وبين المشتري برفع الحائل بينهما على وجه يتمكن المشتري من التصرف فيه فيجعل البائع مسلما للمبيع، والمشتري قابضا له، وكذا تسليم الثمن من المشتري إلى البائع، (فصل في حكم البيع، ج: 5، ص: 244، مط: سعید کراچی)
وفی فقہ البیوع: ويُمكن أن يُخرّج على ذلك، ما يقع كثيراً: من أن الأب يهب داراً لابنه، وهو ساكن معه فيها بمتاعه، فلو أذن الأب ابنه بقبض متاعه وديعة، وسجل الدار باسم ابنه بعد الهبة، وصرح بان كونه یسکن الدار بعد ذالک موقوف علی إذن الابن على سبيل العارية، وقبل ذلك الابن، ينبغي أن يُعتبر قبضاً كافياً لتمام الهبة، والله سبحانه أعلم. (القبض فی الدار التی یسکنھا البائع، ج: 1، ص: 387، مکتبۃ معارف القرآن کراتشی)
وفیہ ایضاً: فالذی یظھر: انہ لاینبغی ان یعتبر التسجیل قبضاً ناقلاً للضمان فی الفقہ الاسلامی، الا اذا صاحبتہ التخلیۃ بالمعنی الذی ذکرناہ فیما سبق، (ھل التسجیل فی النظام العقاری یعتبر قبضاً؟ ، ج: 1، ص: 392، مکتبۃ معارف القرآن کراتشی)

واللہ تعالی اعلم بالصواب
محمد اسلم امین عُفی عنه
دار الافتاء جامعه بنوریه عالمیه
فتوی نمبر 100180کی تصدیق کریں
0     25
Related Fatawa متعلقه فتاوی
  • کسی کو ہدیہ یا گفٹ کرنے کا شرعی طریقہ

    یونیکوڈ   اسکین   انگلش   ہدیہ 2
  • کیا کسی ہندو کا تحفہ قبول کیا جاسکتا ہے ؟

    یونیکوڈ   اسکین   ہدیہ 0
  • کوئی چیز ہبہ کر کے واپس لینا

    یونیکوڈ   ہدیہ 0
  • طلاق کے بعد شوہر کونسے گفٹ واپس لے سکتاہے؟

    یونیکوڈ   ہدیہ 0
  • زندگی میں جائیداد کی تقسیم کا طریقہ کار

    یونیکوڈ   ہدیہ 0
  • والد کا کسی ایک بیٹے کو ہدیہ دینا

    یونیکوڈ   ہدیہ 3
  • قبضہ دیے بغیر , فقط کاغذات میں مکان نام کرنے کی شرعی حیثیت

    یونیکوڈ   ہدیہ 0
  • اپنی اولاد کے درمیان زندگی میں تقسیمِ جائیداد کی ایک صورت کا حکم

    یونیکوڈ   ہدیہ 0
  • ماں کے لئے اپنی اولاد میں سے کسی ایک بیٹے کو گھر ہدیہ کرنے کا حکم

    یونیکوڈ   ہدیہ 0
  • انٹرسٹ فری پراویڈنٹ فنڈ میں ملنےوالی اضافی رقم کا حکم

    یونیکوڈ   ہدیہ 0
  • بیٹے کو ہبہ کردہ مکان میں بیٹیوں کے حصہ کا حکم

    یونیکوڈ   ہدیہ 0
  • والد کا بیٹوں کو گھر ہدیہ کرنے کے بعد بیٹیوں کا اس میں مطالبہ کرنا

    یونیکوڈ   ہدیہ 0
  • باپ کے لئے تمام اولاد کے ساتھ برابری کا معاملہ کرنے کا حکم

    یونیکوڈ   ہدیہ 0
  • زندگی میں جائیداد کی تقسیم کا طریقہ کار

    یونیکوڈ   ہدیہ 0
  • زندگی میں تقسیم جائیداد کا حکم اور طریقۂ کار

    یونیکوڈ   ہدیہ 0
  • کیا زندگی میں اپنے بہن بھائیوں اور ان کی اولاد میں جائیداد تقسیم کی جا سکتی ہے ؟

    یونیکوڈ   ہدیہ 1
  • بیوی کے لیے شوہر کو ہدیہ کئے ہوئے سونے کا استعمال جائز ہے ؟

    یونیکوڈ   ہدیہ 0
  • والد مرحوم کی جانب سے زندگی میں دی جانے والی چیز میں وراثت کا حکم

    یونیکوڈ   ہدیہ 0
  • بڑے بیٹے نے ماں کے ساتھ رہتے ہوئے, ماں کے پلاٹ پر گھر تعمیر کیا

    یونیکوڈ   ہدیہ 1
  • قادیانی کمپنی کی تشہیری مہم میں شریک ہو کر گرانٹ وصول کرنا

    یونیکوڈ   ہدیہ 0
  • نکاح میں بیوی کو شوہر کی جانب سے دیے گئے تحفوں کا حکم

    یونیکوڈ   ہدیہ 0
  • اولاد کے درمیان اپنی زندگی میں تقسیم جائیداد کا حکم

    یونیکوڈ   ہدیہ 0
  • بہن کے لئے بھائی سے والد کی طرف سے دی گئی جائیداد میں مطالبہ کرنا

    یونیکوڈ   ہدیہ 0
  • زندگی میں اولاد کے درمیان تقسیمِ جائیداد کا حکم

    یونیکوڈ   ہدیہ 0
  • مکان کی رقم اولاد کے درمیان کیسے تقسیم ہوگی؟

    یونیکوڈ   ہدیہ 0
Related Topics متعلقه موضوعات