میری ساس کا انتقال حال ہی میں مئ 2026میں ہو چکا ہے۔سسر صاحب حیات ہیں
انکے دو بچے ہیں۔ایک میرے شوہر ایک میری نند۔
ہمارا گھر جس میں ہم رہائش پذیر ہیں میرے سسر کے نام ہے۔
اب میری نند کے بقول والدہ کی خواہش تھی کہ وہ دونوں بچوں کو برابر کا حصہ دیں۔لیکن انکو مہلت نہ ملی۔لہذا جلد اذ جلد مکان کا فیصلہ کیا جائے اور انکو بھائی کے برابر حصہ دیا جائے نہ کہ آدھا حصہ ۔۔۔
سسر صاحب کے مطابق انہیں اس بات پر کوئی اعتراض نہیں کہ دونوں بچوں کو برابر حصہ ملے۔
میرا سوال یہ ہے کہ اگر والد اپنی زندگی میں جائیداد تقسیم کرنا چاہے تو اس کے متعلق شریعت کا کیا حکم ہے؟
کیا برابری کی بنیاد پر تقسیم کی جاسکتی ہے؟؟یا دو حصے لڑکے اور ایک حصہ لڑکی؟؟
برائے مہربانی تفصیلاًرہنمائی فرمائیں ۔
شکریہ
واضح ہو کہ ہر شخص اپنی صحت والی زندگی میں مرض الوفات میں مبتلاہونے سے قبل اپنی تمام مال و جائیداد کا تنہامالک ہوتاہے، وہ جس طرح چاہے اس میں تصرف کرسکتاہے، اس پر اس کی تقسیم لازم اور ضروری نہیں اور نہ ہی اولاد میں سے کسی کو یہ حق حاصل ہے، کہ وہ اس کو اس تقسیم پر مجبورکرے،البتہ اگرکوئی شخص اپنی صحت والی زندگی میں بلاجبرواکراہ محض اپنی مرضی وخوشی سےاپنا مال وجائیداد اپنی اولاد میں تقسیم کرنا چاہے تو اسے اس کا اختیارہے، اوریہ تقسیم ترکہ نہیں بلکہ ہبہ (گفٹ) کا کہلائیگا۔ جس کا بہترطریقہ یہ ہے کہ وہ اپنی بقیہ زندگی کے لیے جو کچھ رکھنا چاہے وہ رکھ لے،اس کے علاوہ دیگر بقیہ مال و جائیداد تمام اولاد (بیٹوں، بیٹیوں) کے درمیان برابرتقسیم کیا جائے، لہذا مذکور مکان اگر سائلہ کی سسر کا ذاتی ہواور وہ اپنی زندگی میں اسے اپنے بیٹےناور بیٹی کے درمیان برابر تقسیم کرنا چاہتا ہو تو انہیں اختیار ہے، تاہم ہبہ کرتے وقت اس مکان کو تقسیم کرتے ہوئے بیٹے اور بیٹی کا حصہ متعین کرنا اور ہر ایک کو اس کے حصہ پر باقاعدہ قبضہ دینا ضروری ہوگا، تاکہ شرعاً بھی ہبہ درست اور تام ہوسکے۔
وفی رد المحتار:"أقول: حاصل ما ذكره في الرسالة المذكورة أنه ورد في الحديث أنه صلى الله عليه وسلم قال: «سووا بين أولادكم في العطية ولو كنت مؤثرًا أحدًا لآثرت النساء على الرجال»، رواه سعيد في سننه وفي صحيح مسلم من حديث النعمان بن بشير: «اتقوا الله واعدلوا في أولادكم»، فالعدل من حقوق الأولاد في العطايا والوقف عطية فيسوي بين الذكر والأنثى، لأنهم فسروا العدل في الأولاد بالتسوية في العطايا حال الحياة. وفي الخانية : و لو وهب شيئًا لأولاده في الصحة، وأراد تفضيل البعض على البعض روي عن أبي حنيفة لا بأس به إذا كان التفضيل لزيادة فضل في الدين وإن كانوا سواء يكره، و روى المعلى عن أبي يوسف أنه لا بأس به إذا لم يقصد الإضرار وإلا سوى بينهم، وعليه الفتوى، و قال محمد : ويعطي للذكر ضعف الأنثى، وفي التتارخانية معزيًا إلى تتمة الفتاوى قال: ذكر في الاستحسان في كتاب الوقف :وينبغي للرجل أن يعدل بين أولاده في العطايا والعدل في ذلك التسوية بينهم في قول أبي يوسف وقد أخذ أبو يوسف حكم وجوب التسوية من الحديث، وتبعه أعيان المجتهدين، وأوجبوا التسوية بينهم وقالوا يكون آثما في التخصيص وفي التفضيل". اھ(كتاب الوقف، ج:4، ص:444، ط:سعید)
وفی الھدایۃ: "وتصح بالإيجاب والقبول والقبض" أما الإيجاب والقبول فلأنه عقد، والعقد ينعقد بالإيجاب، والقبول، والقبض لا بد منه لثبوت الملك.الخ ( کتاب الھبۃ، ج:3، ص:222، ط: دار احیاء التراث العربی)