ہدیہ

شوہر بیوی کے پلاٹ پر مکان تعمیر کرے تو مکان کی ملکیت کس کی شمار ہوگی؟

فتوی نمبر :
98163
| تاریخ :
2026-08-04
معاملات / مالی معاوضات / ہدیہ

شوہر بیوی کے پلاٹ پر مکان تعمیر کرے تو مکان کی ملکیت کس کی شمار ہوگی؟

کیا فرماتے ہیں علماء کرام درج ذیل مسئلہ میں کہ میری والدہ کو ان کے مرحوم والد نے اپنی زندگی میں ایک زمین باقاعدہ مالکانہ قبضہ کے ساتھ دی تھی، اور گزشتہ پچپن سال سے والدہ اسی مکان میں رہ رہی ہیں۔ جب ان کے والد نے زمین دی تھی تو اس پر میرے والد نے اپنی رقم سے مکان تعمیر کیا تھا، اور یہ سب کچھ والد کی زندگی میں ہوا تھا،اب معلوم یہ کرنا ہے کہ اس جائیداد پر کس کا حق ہے؟ کیا والدہ اپنی زندگی میں اس جائیداد کو اپنی اولاد میں تقسیم کر سکتی ہیں یا نہیں؟

الجوابُ حامِدا ًو مُصلیِّا ً

صورتِ مسئولہ میں سائل کی والدہ کو ان کے والد نے جو زمین مالکانہ قبضہ کے ساتھ دی تھی،وہ زمین تو والدہ کی ملکیت ہو گئی ہے،البتہ اس زمین پر سائل کے والد نے جو تعمیر کی ہے، اس کے متعلق تفصیل یہ ہے:
اگر والد نےیہ تعمیر والدہ کے کہنے پر کی ہو ، تو ایسی صورت میں تعمیر شدہ مکان کی ملکیت بھی والدہ ہی کی ہوگی، تاہم والد نے تعمیرات پر جتنی رقم خرچ کی ہے اسے والدہ سے خرچ کی گئی رقم واپس لینے کا حق حاصل ہو گا۔لیکن اگر والد نے والدہ کے کہے بغیر والدہ ہی کے لیے تعمیر کی ہو، تواس صورت میں بھی تعمیر شدہ مکان کی ملکیت والدہ ہی کی ہوگی، البتہ یہ تعمیر چونکہ والد نے والدہ کے امر کے بغیر اس کے لئے کیا ہے اس لئے شرعاً یہ والد کی طرف سے تبرع اور احسان شمار ہو گا، اور اب اسے والدہ سے خرچ کردہ رقم کے مطالبے کا حق حاصل نہ ہو گا، اگر والد نے یہ تعمیر اپنے لیے کی ہو، تو تعمیر شدہ مکان والد کی ملکیت ہوگی، لہذا مذکور بالا تفصیل کے مطابق جن صورتوں میں مکان کی ملکیت والد کی شمار ہو گی ان صورتوں میں زمین پر والدہ اور تعمیر شدہ مکان پروالد کاحق ہو گا،چنانچہ اس صورت میں والدہ کو فقط زمین اپنی مرضی سے تقسیم کرنے کا اختیار حاصل ہو گا البتہ جن صورتوں میں تعمیر بھی والدہ کی ملکیت شمار ہو ، ان صورتوں میں سائل کی والدہ کا زمین سمیت تعمیر شدہ مکان پر بھی حق ہو گا ،ا س صورت میں اب وہ زمین سمیت پورےمکان میں اپنی مرضی سے ہر قسم کے تصرف کا اختیا رکھتی ہے، چنانچہ اگر وہ اپنی مرضی سے بغیر کسی جبر و اکرہ کے مذکورمکان اپنی اولاد میں تقسیم کرنا چاہتی ہو تو ایساکرنا شرعاًجائز اور درست ہو گا ، مگر یہ ترکہ کی تقسیم نہیں، بلکہ ہبہ (گفٹ ) شمار ہو گا ، جس کا بہتر طریقہ یہ ہے کہ سائل کی والدہ اپنی بقیہ زندگی کے لئے جو کچھ حصہ رکھنا چاہے وہ رکھ کر بقیہ مال و جائیداد اپنی اولادکے درمیان برابر حصوں میں تقسیم کرکے ہر فرد کو اس کے حصے پر باضابطہ مالکانہ قبضہ بھی دیدے،تاکہ یہ ہبہ شرعاً بھی تام اور درست ہوسکے،محض کاغذات میں نام کردینا کافی نہیں ہے ،پھر بہتر یہ ہے کہ اس ہبہ اور اعطاءمیں سب کو برابر اور یکساں رکھے کہ سب ہی اس کی اولاد ہے،کسی کو کم کسی کو زیادہ نہ دے،تاہم اگر وہ اولاد میں سے کسی کی خدمت گزاری،محتاجگی یا دینداری وغیرہ کی بنا ء پر اسے دوسرے ورثاء کے مقابلے میں کچھ زیادہ دینا چاہے تو اس کا بھی اسے اختیار ہے مگر بلا وجہِ شرعی کسی وارث کو اپنی جائیداد سے بالکل محروم نہ کرے کیونکہ یہ گناہ کی بات ہے۔

مأخَذُ الفَتوی

و فی الدر المختار : ( و تتم ) الھبۃ ( بالقبض ) الکامل ( و لو الموھوب شاغلا لملک الواھب لا مشغولا بہ ) ( کتاب الھبۃ ، ج 5 ، ص 690 ، ط : سعید)
وکمافی الہندیۃ: (عمر) دار زوجته بماله بإذنها فالعمارة لها والنفقة دين عليها، وإذا عمرها لنفسه من غير إذن المرأة كانت العمارة له وإذا عمرها لها بغير إذنها كان البناء لها وهو متطوع في البناء، فلا يكون له الرجوع عليها به،الخ (مسائل الشتی، ج:6 ص: 445 ناشر : ماجیدیہ)
وفيہا ایضاً: و لو وھب رجل شیئاً لاولادہ فی الصحۃ و اراد تفضیل البعض علی البعض ( الی قولہ ) لاباس بہ اذا لم یقصد بہ الاضرار سوی بینھم یعطی الابنۃ مثل ما یعطی للابن و علیہ الفتوٰی الخ (الباب السادس في الهبة للصغير،ج:4 ص: 391 ناشر ماجیدیہ)
وفی عقود الدریۃ : كل من بنى في دار غيره بأمره يكون البناء للآمر، وإن بنى بغير أمره يكون له وله أن يرفعه إلا أن يضر بالبناء فحينئذ يمنع يعني إذا بنى لنفسه بدون أمر، أما إذا بنى لرب الأرض بدون الأمر ينبغي أن يكون متطوعا عمادية من أحكام العمارة في ملك الغير. وقوله: كما مر هو قوله: وإن عمرها لها بغير إذنها قال الشيخ الإمام نجم الدين النسفي: العمارة لها ولا شيء عليها من النفقة وأنه متطوع في ذلك. اهـ. ومثله في الأشباه من الوقف وكذا في التنوير وشرحه من شتى الفرائض.اھ(كتاب الحيطان ومایحدث الرجل فی الطریق،ج:2 ص: 274 ناشر:دار المعرفۃ)
وفی حشیۃ ابن العابدین : وينبغي للرجل أن يعدل بين أولاده في العطايا والعدل في ذلك التسوية بينهم في قول أبي يوسف وقد أخذ أبو يوسف حكم وجوب التسوية من الحديث،الخ(مطلب فی المصادقۃ علی النظر ج:4 ص:444 ناشر : سعید )

واللہ تعالی اعلم بالصواب
محمد زکریا الیاس عُفی عنه
دار الافتاء جامعه بنوریه عالمیه
فتوی نمبر 98163کی تصدیق کریں
0     92
Related Fatawa متعلقه فتاوی
  • کسی کو ہدیہ یا گفٹ کرنے کا شرعی طریقہ

    یونیکوڈ   اسکین   انگلش   ہدیہ 2
  • کیا کسی ہندو کا تحفہ قبول کیا جاسکتا ہے ؟

    یونیکوڈ   اسکین   ہدیہ 0
  • کوئی چیز ہبہ کر کے واپس لینا

    یونیکوڈ   ہدیہ 0
  • طلاق کے بعد شوہر کونسے گفٹ واپس لے سکتاہے؟

    یونیکوڈ   ہدیہ 0
  • زندگی میں جائیداد کی تقسیم کا طریقہ کار

    یونیکوڈ   ہدیہ 0
  • والد کا کسی ایک بیٹے کو ہدیہ دینا

    یونیکوڈ   ہدیہ 3
  • قبضہ دیے بغیر , فقط کاغذات میں مکان نام کرنے کی شرعی حیثیت

    یونیکوڈ   ہدیہ 0
  • اپنی اولاد کے درمیان زندگی میں تقسیمِ جائیداد کی ایک صورت کا حکم

    یونیکوڈ   ہدیہ 0
  • ماں کے لئے اپنی اولاد میں سے کسی ایک بیٹے کو گھر ہدیہ کرنے کا حکم

    یونیکوڈ   ہدیہ 0
  • انٹرسٹ فری پراویڈنٹ فنڈ میں ملنےوالی اضافی رقم کا حکم

    یونیکوڈ   ہدیہ 0
  • بیٹے کو ہبہ کردہ مکان میں بیٹیوں کے حصہ کا حکم

    یونیکوڈ   ہدیہ 0
  • والد کا بیٹوں کو گھر ہدیہ کرنے کے بعد بیٹیوں کا اس میں مطالبہ کرنا

    یونیکوڈ   ہدیہ 0
  • باپ کے لئے تمام اولاد کے ساتھ برابری کا معاملہ کرنے کا حکم

    یونیکوڈ   ہدیہ 0
  • زندگی میں جائیداد کی تقسیم کا طریقہ کار

    یونیکوڈ   ہدیہ 0
  • زندگی میں تقسیم جائیداد کا حکم اور طریقۂ کار

    یونیکوڈ   ہدیہ 0
  • کیا زندگی میں اپنے بہن بھائیوں اور ان کی اولاد میں جائیداد تقسیم کی جا سکتی ہے ؟

    یونیکوڈ   ہدیہ 1
  • بیوی کے لیے شوہر کو ہدیہ کئے ہوئے سونے کا استعمال جائز ہے ؟

    یونیکوڈ   ہدیہ 0
  • والد مرحوم کی جانب سے زندگی میں دی جانے والی چیز میں وراثت کا حکم

    یونیکوڈ   ہدیہ 0
  • بڑے بیٹے نے ماں کے ساتھ رہتے ہوئے, ماں کے پلاٹ پر گھر تعمیر کیا

    یونیکوڈ   ہدیہ 1
  • قادیانی کمپنی کی تشہیری مہم میں شریک ہو کر گرانٹ وصول کرنا

    یونیکوڈ   ہدیہ 0
  • نکاح میں بیوی کو شوہر کی جانب سے دیے گئے تحفوں کا حکم

    یونیکوڈ   ہدیہ 0
  • اولاد کے درمیان اپنی زندگی میں تقسیم جائیداد کا حکم

    یونیکوڈ   ہدیہ 0
  • بہن کے لئے بھائی سے والد کی طرف سے دی گئی جائیداد میں مطالبہ کرنا

    یونیکوڈ   ہدیہ 0
  • زندگی میں اولاد کے درمیان تقسیمِ جائیداد کا حکم

    یونیکوڈ   ہدیہ 0
  • مکان کی رقم اولاد کے درمیان کیسے تقسیم ہوگی؟

    یونیکوڈ   ہدیہ 0
Related Topics متعلقه موضوعات