محترم جناب مفتی صاحب! ہم اپنے دفتروں ، گھروں اور دیگر جگہوں پر کئی ایک سافٹ ویئرز استعمال کرتے ہیں لیکن کوئی بھی سافٹ وئر متعلقہ اداروں کا لائسنز یافتہ نہیں ہوتا ۔ کیا اس طرح سافٹ ویئرز کا استعمال شرعاً جائز ہے کہ نہیں ؟
اگر کسی خاص سوفٹ ویئر کے استعمال پر اس کے بنانے والوں کی طرف سے عام اجازت نہ ہو بلکہ باقاعدہ اس کی خریداری اور اجازت لینا لازمی ہو تو ایسے سوفٹ ویئر کا متعلقہ ادارے کی اجازت یا اس سے باقاعدہ خریداری کیے بغیر اس کی کاپی وغیرہ کرکے اپنے استعمال میں لانا شرعاً بھی جائز نہیں، اس سے احتراز لازم ہے۔ ورنہ ان کی گنجائش ہے۔ واللہ اعلم بالصواب