طلاق
کیاقانونی مجبوری کے تحت فرضی طلاق نامہ بنوا کر اس پر دستخط کرنے سے طلاق ہوجائے گی؟
فتوی نمبر : 38654
کیاقانونی مجبوری کے تحت فرضی طلاق نامہ بنوا کر اس پر دستخط کرنے سے طلاق ہوجائے گی؟
معاملات / احکام طلاق / طلاق
کیاقانونی مجبوری کے تحت فرضی طلاق نامہ بنوا کر اس پر دستخط کرنے سے طلاق ہوجائے گی؟
ہم یورپ میں رہتے ہیں اور یورپین قانون کے مطابق آپ صرف ایک بیوی رکھ سکتے ہیں ایک وقت میں،میری بیوی کے ہاں اولاد نہیں ہوسکتی،جو کہ ڈاکٹر نے صاف بتادیا ہے، میں بیوی کو طلاق نہیں دینا چاہتا،مگر دوسری شادی کرنا چاہتا ہوں، مگر یہاں کے قانون میں دوسری شادی کی گنجائش نہیں ہے،کیا یہ جائز ہوگا کہ میں صرف سرکاری کاغذات میں بیوی کو طلاق دیدوں اور دوسری شادی کرلوں،مگر اسلامی طلاق نہ دوں،کیا میرے دونوں نکاح محفوظ ہوں گے اس صورت میں ؟
الجوابُ حامِدا ًو مُصلیِّا ً
واضح ہوکہ سائل اگر دوسری شادی کرنا چاہتا ہو اور پہلی بیوی کو بھی اپنے نکاح سے علیحدہ نہ کرنا چاہتا ہو اور قانونی مجبوری کی بنا پر طلاق نامہ بنوانا پڑ رہا ہو،جبکہ اس کے علاوہ دوسرا کوئی حل نہ ہو تو اس صورت میں فرضی طلاق نامہ بنوا کر اور اس پر دستخط کرنے سے قبل اگر اس پردو(2) گواہ بنائے جائیں کہ میں حقیقۃً طلاق نہیں دینا چاہتا،البتہ قانونی مجبوری کی بنا پر کاغذی کاروائی پوری کرنے کے لئے میں یہ طلاق نامہ فرضی بنا رہا ہوں،اس کے بعد اگر طلاق نامہ پر دستخط کردے اور زبان سے الفاظِ طلاق نہ بولے تو طلاق واقع نہ ہوگی اور سائل کا مقصد بھی حاصل ہوجائے گا۔
مأخَذُ الفَتوی
کمافی الشامیة: (قوله أو هازلا) أي فيقع قضاء وديانة(الیٰ قوله)لو أراد به الخبر عن الماضي كذبا لا يقع ديانة، وإن أشهد قبل ذلك لا يقع قضاء أيضا اهـ (3/238)۔
Related Fatawa متعلقه فتاوی
Related Topics متعلقه موضوعات
-
1078طلاقDivorce
-
198خلعKhula
-
165حلالہ اور طلاق مغلظہHalala and Irrevocable Divorce
-
140طلاق معلقہConditional Divorce
-
55رجوع طلاقRevocation of Divorce
-
51حرمت مصاهرتThe sanctity of affinity
-
36تفریق و تنسیخSeparation and Invalidation
-
12تفویض طلاقDelegating the Right to Divorce
-
4زوجہ مفقودMissing Man Wife
-
3تیممTayammum