السلام عليکم ورحمة اللّٰه وبرکاته
اگر کوئی بچہ دوسرے بچے کی آنکھ پھوڑ دے تو اس بچے پر کیا لازم ہوگا؟ فقہاء احناف کے حوالہ جات کے ساتھ وضاحت کریں۔"
مسئولہ صورت میں جس بچے نے آنکھ پھوڑی ہے اس بچہ کی عاقلہ پر نصف دیت لازم ہے ۔
شرعاً دیت ادا کرنے کی تین صورتیں ہیں:
(الف)۔۔۔سو اونٹ یا ان کی قیمت۔
(ب)۔۔۔دس ہزار دراہم یا ان کی قیمت،دس ہزار دراہم کی مقدار۶۱۸ء۳۰کلو گرام چاندی ہے ۔
(ج)۔۔۔ایک ہزار دینار یا ان کی قیمت،ایک ہزار دینار کی مقدار۳۷۴ء۴کلو گرام سونا ہے۔
لہذاعاقلہ کو اختیار ہے کہ ان تین طریقوں میں سے جس طریقہ سے نصف دیت ادا کرنا چاہے ،ادا کرسکتے ہیں،تاہم اگر فریقین نصف دیت کے بجائے باہمی رضامندی سے کسی رقم پر صلح کرلیں تو اس کی بھی اجازت ہے ۔
وفي قتل الصبي والمجنون وهذه الديات كلها على العاقلة(الھندية: 24/6)