رشوت

رقم دے کر سرکاری ملازمت حاصل کرنا اور اس سے حاصل کردہ کما ئی کا کیاحکم ہے؟

فتوی نمبر :
84159
| تاریخ :
2025-07-14
معاملات / مالی معاوضات / رشوت

رقم دے کر سرکاری ملازمت حاصل کرنا اور اس سے حاصل کردہ کما ئی کا کیاحکم ہے؟

السلام علیکم ورحمۃ اللہ وبرکاتہ!
محترم مفتی صاحب!
ملازمت میں حلال و حرام سے متعلق ایک معاملے میں دارالافتاء جامعہ بنوریہ عالمیہ سے رہنمائی حاصل کرنے کے لیے عرض ہے کہ جیسا کہ آپ واقف ہوں گے، پاکستان کا موجودہ نظام بدعنوانی سے بہت زیادہ متاثر ہے، اور غریب یا متوسط طبقے سے تعلق رکھنے والے افراد کے لیے کچھ رقم ادا کیے بغیر سرکاری ملازمت حاصل کرنا اکثر مشکل ہوتا ہے۔میرے کزن، جو پہلے سے ہی ایک سرکاری محکمے میں ملازمت کر رہے ہیں، نے مجھے اپنے دفتر میں نوکری حاصل کرنے میں مدد دینے کی پیشکش کی ہے، لیکن اس کے لیے مجھے ایک مخصوص رقم ادا کرنا ہوگی۔میرا سوال یہ ہے کہ کیا اس صورت میں ادا کی جانے والی رقم شرعاً رشوت شمار ہوگی؟ اگر ایسا ہے، تو کیا اس طریقے سے حاصل کی جانے والی ملازمت بھی میرے لیے حرام سمجھی جائے گی؟براہِ کرم شرعی رہنمائی فرمائیں۔جزاکم اللہ خیراً!

الجوابُ حامِدا ًو مُصلیِّا ً

ملازمت کے حصول کے لیے رشوت کا لین دین سخت ناجائز اور حرام ہے، جس پر حدیثِ مبارکہ میں سخت وعید وارد ہوئی ہے، اور ایسا لین دین کرنے والوں اور اس کا واسطہ بننے والوں، سب پر لعنت وارد ہوئی ہے۔ اس لیے اس عمل سے بچنا لازم و ضروری ہے۔تاہم اگر سائل مذکورہ ملازمت کا اہل ہو اور اس کے حصول کے لیے درکار قانونی تقاضے بھی پورے ہو چکے ہوں، اس کے باوجود رشوت طلب کی جا رہی ہو، تو اس صورت میں اگرچہ رشوت طلب کرنے والے کے لیے رشوت لینا جائز نہیں، تاہم سائل کے لیے بامرِ مجبوری بطورِ رشوت طلب کی گئی رقم دے کر نوکری حاصل کرنے کی شرعاً گنجائش ہے۔اس کے علاوہ، قانونی تقاضوں کو پورا کیے بغیر محض رشوت کی بنیاد پر کسی بھی حال میں ملازمت حاصل کرنا جائز نہیں، بلکہ گناہِ کبیرہ ہے، جس سے بہرصورت احتراز لازم ہے۔

مأخَذُ الفَتوی

کما فی احکام القرآن للجصاص: و الرشوۃ تنقسم إلی و جوہ منھا الرشوۃ فی الحکم و ذلک محرم علی الراشی و المرتشی جمیعاً و ھو الذی قال فیہ النبیﷺ لعن اللہ الراشی و المرتشی و الرأش و ھو الذی یمشی بینھما فذلک لا یخلو من ان یرشوہ لیفض لہ بحقہ او بما لیس بحق لہ الخ(إلی قولہ)و أما الرشوۃ فی غیر الحکم فھو ما ذکرہ ابن مسعودرضی اللہ عنہ و مسروق فی الھدایۃ إلی الرجل لیعینہ بجاھہ عندالسلطان و ذلک منھی عنہ ایضا لان علیہ معونتہ فی دفع الظلم عنہ قال اللہ تعالیٰ:(و تعاونوا علی البر و التقوی) (إلی قولہ)و وجہ آخر من الرشوۃ السلطان لدفع ظلمہ عنہ فھذہ الرشوۃ محرمۃ علی آخذھا غیر محظورۃ علی معطیھا (باب الرشوۃ ج: 2 ص: 433،ط:سھیل اکیڈمی)۔
و فی الدر المختار:(أخذ القضاء برشوۃ)للسطان أو لقومہ و ھو عالم بھا أو بشفاعۃ الخ
و فی رد المحتار تحت قولہ:(قولہ أخذ القضاء برشوۃ) بتثلیث الراء قاموس و فی المصباح الرشوۃ بالکسر (إلی قولہ)و فی الفتح: ثم الرشوۃ أربعۃ اقسام:منھا ما ھو حرام علی الآخذ و المعطی و ھو الرشوۃ علی تقلید القضاء و الإمارۃ الثانی:ارتشاء القاضی لیحکم و ھو کذلک و لو القضاۃ بحق لأنہ واجب علیہ الثالث:أخذ المال لیسوی أمرہ عند السلطان دفعا للضرر او جلبا للنفع و ھو حرام علی الآخذ فقط و حیلۃ حلھا أن یستأجرہ یوماً إلی اللیل أو یومین الخ (کتاب القضاء، ج: 5 ص: 362 ط:ایچ ایم سعید)۔
و فی البحر الرائق: و منھا اذا دفع الرشوۃ خوفاً علی نفسہ او مالہ فھو حرام علی الآخذ غیر حرام علی الدافع و کذا اذا طمع فی مالہ فرشاہ ببعض المال و منھا اذا دفع الرشوۃ لیسوی أمرہ عند السلطان حل لہ الدفع و لا یحل للآخذ أن یأخذ الخ (باب اخذ الرشوۃ، ج: 6، ص: 262، ط: ماجدیہ)۔

واللہ تعالی اعلم بالصواب
محمد رحمان عُفی عنه
دار الافتاء جامعه بنوریه عالمیه
فتوی نمبر 84159کی تصدیق کریں
0     217
Related Fatawa متعلقه فتاوی
  • میڈیسن کمپنیوں کی طرف سے ڈاکٹرزکے لئے کمیشن مقررکرنا

    یونیکوڈ   اسکین   رشوت 0
  • استاد کا شاگرد کو امتحان میں کامیاب کرانے پر تحفہ لینا

    یونیکوڈ   رشوت 0
  • سرکاری نوکری لینے کیلئے رشوت دینا

    یونیکوڈ   اسکین   رشوت 0
  • کمپنی کا وینڈر بننے کیلئے کمیشن دینا

    یونیکوڈ   رشوت 0
  • میڈیکل کی سیٹ حاصل کرنے کیلئے رشوت دینا

    یونیکوڈ   رشوت 0
  • نوکری کے حصول کیلئے رشوت دینا

    یونیکوڈ   رشوت 0
  • زمین نام کرنے کیلئے رشوت دینا

    یونیکوڈ   رشوت 0
  • بل پاس کرانے کیلئے مجبوراً رشوت دینا

    یونیکوڈ   رشوت 0
  • کرکٹ میچ جیتنے والی ٹیم کا ڈبل پیسے لینے کا حکم

    یونیکوڈ   رشوت 0
  • اپنے حق کی وصولی کیلئے کیا رشوت دی جاسکتی ہے ؟

    یونیکوڈ   رشوت 0
  • کیا ٹھیکیداروں کاکام لینے کے لئے بنا کچھ بولے ہیڈ کلرک کو کچھ فیصد دینارشوت ہے؟

    یونیکوڈ   رشوت 0
  • اپنے جائز کام کے لئے آفیسرکو رشوت دینے کا حکم

    یونیکوڈ   رشوت 0
  • رشوت اور کمیشن میں کیا فرق ہے؟

    یونیکوڈ   رشوت 0
  • گورمنٹ کی ملازمت کے حصول کے لئے رشوت دینے اور لینے کا حکم

    یونیکوڈ   رشوت 0
  • امتحان میں کامیابی کیلئے پیسے دینا

    یونیکوڈ   رشوت 0
  • آفیسر کے ذمہ کاموں کے کرنے پر اس کی جانب سے دی گئی رشوت سے حاصل کردہ رقم لینا جائز ہے؟

    یونیکوڈ   رشوت 0
  • برانڈز مالکان کے ایمپلائر سے پرچیز آرڈر لینے کیلئے رشوت دینا

    یونیکوڈ   رشوت 0
  • کسی دوسری کمپنی میں اپنا مال بیچنے کے لئے وہاں کے بندوں کو کمیشن دینے کاحکم

    یونیکوڈ   رشوت 0
  • کمپنی ملازم کا کمپنی کا مال فروخت کرنے پر خریدار سے کمیشن کا مطالبہ کرنا

    یونیکوڈ   رشوت 0
  • آڈر لینے کیلئے رشوت دینا

    یونیکوڈ   رشوت 0
  • رشوت دے کر لی ہوئی ملازمت کی کمائی حلال ہوگی یا حرام ؟

    یونیکوڈ   رشوت 0
  • رقم دے کر سرکاری ملازمت حاصل کرنا اور اس سے حاصل کردہ کما ئی کا کیاحکم ہے؟

    یونیکوڈ   رشوت 0
  • پیسے دے کر ملازمت حاصل کرنا

    یونیکوڈ   رشوت 0
  • جن سے رشوت لی ہے اگر ان کا انتقال ہوجائے تو کیا کرنا چاہیے ؟

    یونیکوڈ   انگلش   رشوت 0
  • ملازمت حاصل کرنے کیلئے رشوت دینا

    یونیکوڈ   رشوت 0
Related Topics متعلقه موضوعات