میرا ایک سوال ہے اگر اس کا جواب مل سکا۔ سوال یہ ہے کہ میں نے اپنا زمین بیچنا ہے اور اس کا انتقال کرنا ہے۔ پچھلے 5 مہینے سے انتظار اور صبر کر رہا ہوں پر اب تک نہیں ہو پایا۔ اور مجھےپیسوں کی اشد ضرورت ہے تو ابھی میرا سوال یہ ہے کہ اگر میں انکو پیسے دیدوں تو میرا کام ہو جائے گا نہیں تو پتہ نہیں کب تک ہو گا۔ اب اگر میں انکو پیسے(رشوت) دے کے انتقال کرتا ہوں تو اس صورتحال میں کیا کرنا چاہیے۔؟
زمین کے انتقال پر اگر حکومتی پابندی نہ ہو اور اس سے کسی کا حق بھی نہ مارا جارہا ہو جبکہ سائل نے سارے قانونی تقاضے پورے کردئیے ہوں صرف رشوت نہ دینے کی وجہ سے زمین سائل کے نام منتقل نہ ہورہی ہو تو ایسی صورت میں سائل کیلئے مجبورا پیسے دیکر کام کروانے کی گنجائش ہے،اس سے سائل گناہ گار نہ ہوگا،البتہ رشوت لینے والے کیلئے پیسے لینا حرام ہے،جس سے اجتناب لازم ہے۔