”مفتی“اور ”مبلّغ“ میں فرق اور مبلغ کے لیے شرائط

السلام علیکم! ”مفتی“اور ”مبلغ“ میں کیا فرق ہے؟ ”مبلغ“بنے کی شرائط کیا ہیں؟ ”مبلغ“بنے کے لئے کوئی کتاب ارشاد فرمائیں؟ جزاک اللہ خیراً

الجوابُ حامِدا ًو مُصلیِّا ً

مبلغ“ دین کے کسی بھی شعبہ کی بات، چاہے وہ فضائل کے بارے میں ہو یا مسائل کے بارے میں، اس کو دوسروں تک پہنچانے اور اس کی تبلیغ کرنے والے کو کہتے ہیں اور یہ ذمہ داری کوئی بھی مسلمان جو درج ذیل شرائط پر پورا اترتا ہو، انجام دے سکتا ہے۔
جبکہ”مفتی“اس وسیع النظر کثیر المطالعہ اور احوالِ زمانہ سے واقف عالم کو کہتے ہیں، جو معاشرہ کو عملی زندگی میں حلال حرام، جائز ناجائز سے متعلق شرعی حکم سے آگاہی دیتا ہے اور یہ بھی اعلیٰ درجہ کی تبلیغ ہے۔
تاہم ”مبلغ“ کی شرائط یہ ہیں:-
1-عالم ہو، جن امور کی وہ تبلیغ کرتا ہے ان کے متعلق اسے بنیادی باتوں کا علم ہو۔
2-تبلیغ سے مقصود رضاءِ الٰہی اور دینِ اسلام کی سربلند ہو۔
3-اپنے مامورین و متعلقین کیساتھ شفقت اور نرمی سے پیش آئے۔
4-دورانِ تبلیغ اگر اسے کوئی تکلیف اور اذیت پہنچے تو اس پر صبر و تحمل کا مظاہرہ کرے۔
5-جن باتوں کی وہ تبلیغ کرتا ہے، ان پر خود بھی عمل پیرا ہو۔

مأخَذُ الفَتوی

کما في اصول الافتاء وآدابه: قال ابن الصلاح رحمه الله تعالىٰ: ومن شأنه أن يكون عالما بالفقه، خبيرا بأصول الفقه، عارفا بأدلة الأحكام تفصيلا، بصيرا بمسالك الأقيسة والمعاني، تام الارتياض في التخريج والاستنباط قيما بإلحاق ما ليس بمنصوص عليه في مذهب إمامه بأصول مذهبه وقواعده، ولا يعرى عن شوب من التقليد له، لإخلاله ببعض العلوم والأدوات المعتبرة في المستقل. (ص:129)
وفي الفتاوى الهندية: الأمر بالمعروف يحتاج إلى خمسة أشياء، أولها: العلم لأن الجاهل لا يحسن الأمر بالمعروف. والثاني: أن يقصد وجه الله تعالى وإعلاء كلمته العليا. والثالث: الشفقة على المأمور فيأمره باللين والشفقة. والرابع أن يكون صبورا حليما. والخامس: أن يكون عاملا بما يأمره كي لا يدخل تحت قوله تعالى {لم تقولون ما لا تفعلون} [الصف: 2] اھ (5/353)