علمی معلومات
فرقۂ معتزلہ کون سا فرقہ ہے؟
فتوی نمبر : 218
فرقۂ معتزلہ کون سا فرقہ ہے؟
آداب / تعلیم و تعلم / علمی معلومات
فرقۂ معتزلہ کون سا فرقہ ہے؟
براہِ کرم فرقۂ معتزلہ کے متعلق تفصیلی معلومات ارسال فرمائیں۔
الجوابُ حامِدا ًو مُصلیِّا ً
یہ قدریہ کی ایک جماعت ہے، جو ا پنے خیال کے مطابق(اہلِ سنت والجماعت اور خوارج) دونوں کو گمراہ سمجھتے تھے، حالانکہ یہ خود گمراہ تھے، ان کا بانی واصل بن عطاء ہے، جوکہ حضرت حسن بصری۔رحمۃ اللہ علیہ۔ کے شاگردوں میں سے تھا، جب انہوں نے اس طرح کے نظریات جوکہ صحابہ کرام اور اہلِ سنت والجماعۃ کے خلاف تھے، بیان کئے اور انہیں اپنا عقیدہ بنایا تو اس پر حضرت حسن بصری۔رحمۃ اللہ علیہ۔ نے اپنی مجلسِ علم سے ان کو نکال دیا تھا، منجملہ ان عقائد میں سے ان کا عقیدہ یہ تھا کہ جو آدمی گناہِ کبیرہ کرلے وہ نہ مومن رہتا ہے اور نہ کافر ہوتا ہے، بلکہ ان دونوں کے درمیان ایک منزل قائم کرتے ہیں، حالانکہ یہ اہلِ سنت والجماعت کے عقیدہ اور قرآن حدیث کی صریح نصوص کے بھی خلاف ہے، اسی طرح ان کا یہ بھی عقیدہ تھا کہ اللہ تبارک وتعالیٰ پر مطیع بندے کو ثواب عطاء کرنا اور گناہ گار کو عذاب دینا واجب اور لازم ہے، اور اللہ تبارک وتعالیٰ کی صفاتِ قدیمہ کا انکار کرتے تھے، اور اپنے آپ کو ان عقائدِ باطلہ کی بناء پر اصحاب العدلِ والتوحید کہتے تھے، اور ہماری معلومات کے مطابق اب ان کا وجو نہیں رہا۔
مفتی نادر جان عُفی عنه
دار الافتاء جامعه بنوریه عالمیه
فتوی نمبر 218کی تصدیق کریں
Related Fatawa متعلقه فتاوی
Related Topics متعلقه موضوعات
-
98علمی معلوماتEducation and Learning
-
78متفرقاتVarious issues
-
23مکروھات نمازDisliked Acts during Namaz