حضورﷺ سے چاندی کی انگوٹھی اور نگینہ کا استعمال ثابت ہے یا نہیں؟

کیا کوئی صحیح حدیث موجود ہے جس میں حضورﷺ سے چاندی کی انگوٹھی اور نگینہ کا استعمال کیا ہو پوری لائف میں ؟ چاندی کی انگوٹھی کیساتھ نگینہ کے استعمال میں کیا فوائد ہیں۔ اسلام میں انگوٹھی اور نگینہ کی اجازت ہے؟اگر ہے تو کتنے مقدار تک مرد کو پہنے کی اجازت ہے؟

الجوابُ حامِدا ًو مُصلیِّا ً

جی ہاں! درج ذیل روایات حدیث سے بخوبی معلو م ہوتاہے کہ حضور نبی کریم ﷺ نے انگوٹھی کااستعمال کیا ہے جو چاندی کی تھی اور اس کے نگینہ سے متعلق بھی چاندی کا ہونا روایات سے ثابت ہے ۔
جبکہ مرد کیلیے ایک مثقال وزن تک کی چاندی کی انگوٹھی استعمال کرنے کی اجازت ہے، ا س سے زائد مقدار کی نہیں اور پھر اس کا نگینہ کسی بھی پتھر وغیرہ کا ہو، جائز ہے ،مگر انہیں مؤثر بالذات سمجھنا سخت گنا ہ ہے جس سے احتراز لازم ہے ۔

مأخَذُ الفَتوی

کما فی سنن الترمذي : عن أنس قال: كان خاتم النبي صلى الله عليه وسلم من ورق، وكان فصه حبشيا. (و علی ھامشہ ) یحتمل أن یکون علی ھیئة أھل الجشة أو یکون صانعه حبشیاً۔(3/ 279)
فی الدر المختار : (والعبرة بالحلقة) من الفضة (لا بالفص) فيجوز من حجر وعقيق وياقوت وغيره ولا يزيده على مثقال- (6 / 360)
و فی مرقاة المفاتيح شرح مشكاة المصابيح : وأما ما روي في التختم بالعقيق من أنه ينفي الفقر وأنه مبارك وأن من تختم به لم يزل في خير فكلها غير ثابتة- (13 / 130) واللہ أعلم بالصواب!