فتوی نمبر : 11129
قائداعظم کی نمازِ جنازہ کس نے پڑھائی؟

قائداعظم کی نمازِ جنازہ کس نے پڑھائی؟

محترم مفتی صاحب! السلام علیکم! کیا قائد اعظم محمد علی جناح آغاخانی خواجہ شیعہ تھے؟ بعد میں تبدیل ہوکر اثنا عشریہ شیعہ ہوگئے، ہم معلوم کرنا چاہتے ہیں کہ کیا یہ آخری دم تک شیعہ ہی رہے یا اہلِ سنت والجماعت میں داخل ہوگئے تھے، اور ان کی نمازِ جنازہ کس نے پڑھائی؟ صحیح کیا ہے؟ وضاحت فرمادیں۔

الجوابُ حامِدا ًو مُصلیِّا ً

مسٹر جناح ایک شیعہ قبیلے کے آدمی ہیں، شیعوں کے بعض فرقے تو اسلام میں داخل سمجھے جاتے ہیں، مگر گمراہ قرار دیئے جاتے ہیں اور بعض فرقے اسلام سے خارج ہیں، وہ صرف مسلمانوں کے فرقوں میں داخل ہونے کی وجہ سے مسلمان سمجھے جاتے ہیں، درحقیقت مسلمانوں کے نزدیک ان کا اسلام معتبر نہیں، مسٹر جناح کے تحقیقی عقائد ہمیں معلوم نہیں، اس لیے ان کے متعلق صحیح مذہبی حکم ہم نہیں دے سکتے کہ وہ ان میں سے کس میں داخل ہیں۔ (ماخوز از کفایت المفتی ج۹ ص۴۰۱)
جب کہ ان کی نمازِ جنازہ شیخ الاسلام حضرت مولانا شبیر احمد عثمانیؒ نے پڑھائی تھی، اس لیے بعض حضرات کا خیال یہ ہے کہ صحیح العقیدہ سنّی مسلمان ہوگئے تھے۔ واللہ اعلم بالصواب!