اذان و اقامت کے الفاظ دو ، دو بار کہنےکا احادیث سے ثبوت

نماز سے پہلے جو اقامت کہی جاتی ہے وہ حنفی لوگ ہر کلمہ دو بار ادا کرتے ہیں اور ابتداء میں اللہ اکبر چار بار ، جبکہ بخاری شریف اور مسلم شریف کی حدیث کے مطابق تو یہ ہے کہ شروع میں ’’اللہ اکبر‘‘ دو بار ، باقی سب کلمات ایک بار ادا کیے جائیں اور’’ قد قامت الصلاۃ‘‘ دو بار ، آپ براہِ کرم یہ بتایۓ کہ اس حدیث پر عمل کیوں نہیں؟ کیا آپ کے پاس کوئی ثبوت ہے کہ کلمات دو ، دو بار ادا کیے جائیں؟ اگر ہے تو ہم کو بھی بتا دیں، حدیث ساتھ میں بھیجیں ۔

الجوابُ حامِدا ًو مُصلیِّا ً

اولاً تو یہ واضح ہو کہ احادیثِ مبارکہ کو صرف بخاری و مسلم یا صرف صحاحِ ستہ میں منحصر سمجھنا اور اسی کا مطالبہ کرنا یا دیگر کتب میں موجود احادیث کا انکار کرنا جہالت پر مبنی حرکت ہے۔
ثانیاً : مذہبِ حنفی سمیت مذاہبِ اربعہ برحق ہیں اور ان میں سے ہر ایک کے پاس ادلۂ اربعہ (یعنی کتاب ، سنت ، اجماعِ امت اور قیاسِ صحیح سے دلائل موجود ہیں، ان میں سے کسی ایک کی دلیل دیکھ کر دوسروں کی دلیل کو تلاش کیے بغیر اس پر معترض ہونا بھی جہالت ہی ہے، جبکہ یہ مذاہب خیر القرون کے زمانہ سے مروّج ہیں۔
ثالثاً :اذان و اقامت دو ، دو بار کہنے کا مذہب صرف احناف ہی کا نہیں، بلکہ سفیان ثوریؒ ، عبد اللہ بن مبارکؒ وغیرہ جلیل القدر محدثین کا بھی ہے اور ایک دو نہیں کئی روایاتِ حدیث ان کا مستدل ہیں ، جن میں اذان و اقامت ہر دو میں مذکورہ کلمات کو دو ، دو مرتبہ دہرانے کا واضح اور صریح حکم موجود ہے ، ذیل میں بطورِ نمونہ چند احادیث لکھی جارہی ہیں۔

مأخَذُ الفَتوی

كما في مصنف عبد الرزاق : عن الأسود بن يزيد : أن بلالا كان «يثني الأذان ، ويثني الإقامة ، و أنه كان يبدأ بالتكبير ، و يختم بالتكبير» اھ (1/ 462)۔
و فیه أیضا : عن الأسود ، عن بلال قال : «كان أذانه ، و إقامته مرتين مرتين» اھ (1/ 463)۔
و فیه أیضا : عن مسلم البطين قال : أخبرني من سمع مؤذن علي «يجعل الإقامة مرتين مرتين» اھ (1/ 463)۔
و فی مستخرج أبي عوانة : عن عبد الله بن زيد الأنصاري سمعت «أذان رسول الله صلى الله عليه و سلم فكان أذانه و إقامته مثنى مثنى» اھ (1/ 276)۔
و فی السنن الكبرى للبيهقي : قال : حدثنا أصحاب محمد صلى الله عليه و سلم أن عبد الله بن زيد الأنصاري جاء إلى النبي صلى الله عليه و سلم قال : يا رسول الله : " رأيت في المنام رجلا قام على جذم حائط فأذن مثنى و أقام مثنى اھ (1/ 618)۔
و فی سنن الترمذي : عن عبد الله بن زيد ، قال : كان أذان رسول الله صلى الله عليه و سلم شفعا شفعا في الأذان و الإقامة . (إلی قوله) و قال بعض أهل العلم : الأذان مثنى مثنى ، و الإقامة مثنى مثنى . و به يقول سفيان الثوري ، و ابن المبارك ، و أهل الكوفة . اھ (1/ 266)۔
و في شرح معاني الآثار : عن سويد بن غفلة ، قال : «سمعت بلالا ، يؤذن مثنى و يقيم مثنى» فهذا بلال قد روي عنه في الإقامة ما يخالف ما ذكر أنس، و في حديث «أبي محذورة أن رسول الله صلى الله عليه و سلم» علمه الإقامة مثنى مثنى " اھ (1/ 134)۔