کیا فرماتے ہیں مفتیانِ کرام اس مسئلے کے بارے میں کہ میری والدہ کی عمر 70 سال ہے۔ میرے والد صاحب کا انتقال 28 اگست کو ہوا ہے اور میری والدہ اس وقت عدت میں ہیں۔ والدہ اور والد دونوں اکیلے گھر میں رہتے تھے، لیکن والد صاحب کو فالج کا اٹیک آنے کے بعد میں انہیں اپنے گھر لے آئی تھی۔ وہ تقریباً پندرہ دن میرے گھر میں رہے، علاج بھی ہوتا رہا اور جب وہ ہوش و حواس میں تھے تو خود بات چیت کرتے اور اپنے معمولات بھی کرتے تھے۔ یعنی وہ میرے گھر میں ہی شفٹ ہو گئے تھے۔ اس کے بعد انہیں دوسرا اسٹروک ہوا اور وہ اسپتال میں داخل ہوئے جہاں پندرہ دن کے بعد ان کا انتقال ہوگیا۔ اس وقت میری والدہ بھی میرے گھر میں ہی ہیں۔ سوال یہ ہے کہکیا میری والدہ عدت کا زمانہ میرے ہی گھر میں مکمل کریں گی جہاں وہ پہلے سے مقیم ہیں؟ اگر دورانِ عدت میری دوسری بہن کو مجبوری کی وجہ سے اسکے بچے گھر پر اکیلے ہوں ،اسے والدہ کی ضرورت ہو اور والدہ کو تقریباً دس دن کے لیے اس کے پاس جا کر رہنا پڑے تو کیا شرعاً یہ اجازت ہوگی؟ کیا میری والدہ دن کی روشنی میں میرے گھر سے نکل کر دوسری بیٹی کے گھر جا سکتی ہیں، جہاں کوئی نامحرم بھی موجود نہیں ہوگا، اور وہاں کچھ دن (تقریباً دس دن) قیام کرسکتی ہیں؟ براہِ کرم اس مسئلے پر شرعی رہنمائی فرمائیں۔
واضح ہوکہ متوفی عنہا زوجہا( وہ عورت جس کے شوہر کا انتقال ہواہو ) کے لئے قرآن و سنت کی رو سے چار ماہ دس دن عدت گزارنا اس گھر میں جس میں وہ شوہر کی زندگی میں رہتی تھی لازم اور ضروری ہے ، بغیر کسی شدید عذر کے اس گھر سے نکلنا اس کے لیے جائز نہیں ۔
لہذا صورتِ مسئولہ میں سائلہ کی والدہ پر شوہر کے گھر میں ہی عدت مکمل کرنا لازم اور ضروری ہے ، بغیر کسی شدید عذر کے سائلہ کی والدہ کے لیے اس گھر سے نکلنا جائز نہیں ، جبکہ سوال میں ذکر کردہ عذر کو بظاہر شرعی عذر سے تعبیر کرنا مشکل ہے ، اس لیے بہتر یہی ہے کہ سائلہ کی والدہ عدت مکمل کیے بغیر بیٹی کے گھر جانے سے گریز کریں ۔
کما فی الھندیۃ : على المعتدة أن تعتد في المنزل الذي يضاف إليها بالسكنى حال وقوع الفرقة والموت كذا في الكافي. لو كانت زائرة أهلها أو كانت في غير بيتها لأمر حين وقوع الطلاق انتقلت إلى بيت سكناها بلا تأخير وكذا في عدة الوفاة كذا في غاية البيان.إن اضطرت إلى الخروج من بيتها بأن خافت سقوط منزلها أو خافت على مالها أو كان المنزل بأجرة ولا تجد ما تؤديه في أجرته في عدة الوفاة فلا بأس عند ذلك أن تنتقل، وإن كانت تقدر على الأجرة لا تنتقل اھ (الباب الرابع عشر في الحداد ج1، ص 535، ط دار الفکر )-
و فیھا أیضاً : المعتدة إذا كانت في منزل ليس معها أحد وهي لا تخاف من اللصوص ولا من الجيران ولكنها تفزع من أمر المبيت إن لم يكن الخوف شديدا ليس لها أن تنتقل من ذلك الموضع، وإن كان الخوف شديدا كان لها أن تنتقل كذا في فتاوى قاضي خان.اھ ( الباب الرابع عشر في الحداد،ج:1، ص: 535، ناشر: المطبعۃ الأنصاریۃ )-
و فی الھدایۃ : وعلى المعتدة أن تعتد في المنزل الذي يضاف إليها بالسكنى حال وقوع الفرقة والمو ت" لقوله تعالى {لا تُخْرِجُوهُنَّ مِنْ بُيُوتِهِنَّ} والبيت المضاف إليها هو البيت الذي تسكنه ولهذا لو زارت أهلها وطلقها زوجها كان عليها أن تعود إلى منزلها فتعتد فيه اھ (فصل وعلى المبتونة والمتوفى عنها زوجها إذا كانت بالغة مسلمة الحداد، ج2، ص 279، ط دار احیاء التراث العربی )-
بیوی کا پانچ سال شوہر سے علیحدہ رہنے کےبعد طلاق ہو جانے کی صورت میں عدت گرازنا لازم ہے؟
یونیکوڈ احکام عدت 0