پراویڈنٹ فنڈ

جی پی فنڈ اور پینشن میں وراثت کا حکم

فتوی نمبر :
67866
| تاریخ :
2023-09-21
جدید فقہی مسائل / جدید معاشیات / پراویڈنٹ فنڈ

جی پی فنڈ اور پینشن میں وراثت کا حکم

کیا فرماتے ہیں مفتیان کرام اس مسئلہ کے بارے میں کہ مسمیٰ عبدالجبار کا انتقال ہو گیا جو کہ ایک سرکاری ٹیچر تھے، مرحوم کی وفات کے بعد حکومت کی طرف سے انکو(G.P)فنڈ ملا ہے،اٹھارہ لاکھ روپے،یہ رقم بیوی ،بچوں میں تقسیم کرنی ہے،کس کے حصہ میں کتنی رقم آئے گی؟اور مرحوم عبد الجبار کی پیشن ملتی ہے (48,000 )اڑتالیس ہزار روپے، پینشن کی رقم بیوی ، بچوں میں تقسیم کرنی ہے ،کس کے حصے میں کتنی رقم آئیگی؟جبکہ مرحوم کے ورثاء میں دو بیویاں، جن میں سے پہلی بیوی ثمینہ مرحومہ کا انتقال مرحوم کی زندگی میں ہو گیا تھااور انکی أولاد میں(عبدالغفار، تیمینہ ، نوربینہ،روبینہ اور رضوانہ)ہیں،اور دوسری بیوی مسماۃ فوزیہ حیات ہیں،انکی أولاد میں(آمنہ اور عائشہ)ہیں۔
نوٹ:مرحوم عبد الجبار کے انتقال کے بعد حکومت نے G.P فنڈ کو دونوں بیویوں کے بچوں کے درمیان آدھا آدھا تقسیم کرنے کا کہہ دیا ہے، جبکہ ایک مرحومہ بیوی کی چار بیٹیاں اور ایک بیٹا ہے،اور جو بیوی حیات ہے اسکی دو بیٹیاں ہیں،اور جو پینشن کی رقم ہے، حکومت اسکو بیوہ اور مرحوم کی پہلی بیوی کی دو غیر شادی شدہ بیٹیوں کو دینا چاہتی ہے، تو کیا پینشن کی رقم میں دیگر اولاد خاص کر مرحوم کے بیٹے (عبدالجبار) کا حق بنتا ہے یا نہیں ؟جو بھی حکم شرعی ہو تحریر فرمائیں۔ شکریہ

الجوابُ حامِدا ًو مُصلیِّا ً

واضح ہو کہ ملازم کو ادارے کی طرف سے ملنے والے مختلف فنڈز کا ترکہ میں شامل ہونے یا نہ ہونے کیلئے ضابطہ یہ ہے کہ اگر ملازم اپنی زندگی میں اس فنڈ کا مستحق بنا تھا تو اسکی وفات کے بعد وہ فنڈ باقی ترکہ کی طرح اسکے تمام ورثاء کے درمیان تقسیم ہو گا، اور اگر ملازم زندگی میں اسکا مستحق نہیں بنا تھا تو اسکی وفات کے بعد وہ دیگر ترکہ کی طرح تمام ورثاء کے درمیان تقسیم نہیں ہو گا،بلکہ ادارہ جسکے نام جاری کرے شرعاً وہ ہی اسکا مالک شمار ہو گا ،لہٰذا مرحوم عبدالجبار کے ورثاء کوادارے کی طرف سے جی پی فنڈ کی مد میں جو رقم موصول ہوئی ہے یہ مرحوم کا ترکہ شمار ہو گا،جوکہ تمام ورثاء(بیوی،بچوں)میں حسب حصص شرعی تقسیم ہوگا،البتہ مرحوم کی وفات کے بعد ادارے کی طرف سے دی جانے والی پینشن کی رقم مرحوم کا ترکہ نہیں،بلکہ ادارے کی طرف سے مرحوم کے پسماندگان کیساتھ تبرع اور احسان ہوتا ہے،اور ادارہ اس رقم کے لئے جس فرد کو نامزد کردے وہی اسکا حقدار ہوتا ہے،لہٰذا اگر ادارے کی طرف سے پینشن کی رقم کیلئے مرحوم عبدالجبار کی دوسری بیوہ اور پہلی بیوی کی بیٹیوں کو نامزد کیا گیا ہو تو شرعاً وہی اس رقم کی حقدار ہونگی اور یہ رقم انکے درمیان برابر تقسیم ہوگی اسمیں مرحوم کے بیٹے یا کسی اور کا شرعاً حق نہ ہو گا۔
اسکے بعد واضح ہوکہ سائل کے والدِمرحوم (مسمی عبد الجبار) کا ترکہ اصول میراث کے مطابق اسکے مذکور ورثاء میں اسطرح تقسیم کیا جائے گا کہ مرحوم نے بوقتِ انتقال اپنی ذاتی ملکیت میں جو کچھ منقولہ و غیر منقولہ مال و جائیداد،سونا،چاندی، زیورات،نقد رقم اور ہر قسم کا چھوٹا بڑا گھر یلو ساز و سامان چھوڑا ہے اس میں سے سب سے پہلے مرحوم کے کفن دفن کے متوسط مصارف ادا کریں ،اسکے بعد دیکھیں کہ اگر مرحوم کے ذمہ کوئی واجب الادا قرض ہو یا بیوہ کا حق مہر نہ ادا کیا ہو تو اس کی ادائیگی کریں، اُس کے بعد دیکھیں کہ اگر مرحوم نے کوئی جائز وصیت کی ہو تو بقیہ مال کے ایک تہائی(3/1) حصے کی حد تک اُس پر عمل کریں، اُس کے بعد جو کچھ بچ جائے اسکے کل چونسٹھ(64) حصے بنائے جائیں، جن میں سے مرحوم کی بیوہ(مسماۃ فوزیہ حیات)کو آٹھ(8) حصے، بیٹے(مسمی عبدالغفار)کوچودہ(14)حصے اور ہر بیٹی کو سات(7)حصے دیے جائیں

مأخَذُ الفَتوی

في بدائع الصنائع:لأن الإرث إنما يجري في المتروك من ملك أو حق للمورث على ما قال «- عليه الصلاة والسلام – من ترك مالا أو حقا فهو لورثته»ولم يوجد شيء من ذلك فلا يورث ولا يجري فيه التداخل اھ(7/57)
وفی رد المحتار: إن المدرس لو مات أو عزل في أثناء السنة قبل مجيء الغلة وظهورها من الأرض، يعطى بقدر ما باشر، ويصير ميراثا عنه كالأجير إذا مات في أثناء المدة، ولو كانت صلة محضة لم يعط شيئا لأن الصلة لا تملك قبل القبض بل تسقط بالموت قبله،اھ(4/435)

واللہ تعالی اعلم بالصواب
شہزاد ذوالفقار عُفی عنه
دار الافتاء جامعه بنوریه عالمیه
فتوی نمبر 67866کی تصدیق کریں
0     98
Related Fatawa متعلقه فتاوی
  • گریجویٹی فنڈ میں میراث کا حکم

    یونیکوڈ   اسکین   پراویڈنٹ فنڈ 0
  • پراویڈنٹ فنڈ پر گزشتہ سالوں کی زکوۃ کا حکم

    یونیکوڈ   اسکین   انگلش   پراویڈنٹ فنڈ 1
  • پراویڈنٹ فند کی شرعی حیثیت

    یونیکوڈ   پراویڈنٹ فنڈ 2
  • پراویڈنٹ فنڈ اور ڈی ایس پی فنڈ کا حکم

    یونیکوڈ   پراویڈنٹ فنڈ 0
  • جی پی فنڈ کی رقم نکلواکر حج پر جانے کا حکم

    یونیکوڈ   پراویڈنٹ فنڈ 0
  • اپنےپراویڈنٹ فنڈ سے ملازم کا قرض لیکر اضافے کے ساتھ لوٹانے کاحکم

    یونیکوڈ   پراویڈنٹ فنڈ 0
  • کمپنی کے منافع میں سے ملازمین کو پانچ فیصد دینا

    یونیکوڈ   پراویڈنٹ فنڈ 1
  • جی پی فنڈ اور پینشن میں وراثت کا حکم

    یونیکوڈ   پراویڈنٹ فنڈ 0
  • پراویڈنٹ فنڈ کی مد سے قرض رقم لے کر قربانی کرنے کا حکم

    یونیکوڈ   پراویڈنٹ فنڈ 0
  • پروایڈنٹ فنڈ کی ایک خاص صورت کے متعلق حکمِ

    یونیکوڈ   پراویڈنٹ فنڈ 0
  • انٹرسٹ کے ساتھ ملنے والے پراویڈنٹ فنڈ کا حکم

    یونیکوڈ   پراویڈنٹ فنڈ 0
  • Ruling on provident fund

    یونیکوڈ   انگلش   پراویڈنٹ فنڈ 0
  • اپنے پراویڈنٹ فنڈ سے لون لینا حلال ہے یا حرام؟

    یونیکوڈ   پراویڈنٹ فنڈ 0
  • پراویڈنٹ فنڈ میں کٹوتی جبری اور نفع اختیاری ہو تو کیا حکم ہے ؟

    یونیکوڈ   پراویڈنٹ فنڈ 0
  • جی پی فنڈ کی اضافی رقم اور اس کی زکوٰۃ کا حکم

    یونیکوڈ   پراویڈنٹ فنڈ 0
  • پراویڈنٹ فنڈ پر ملنے والے سود کا حکم

    یونیکوڈ   پراویڈنٹ فنڈ 0
  • پرائیویٹ ادارے کےپراویڈنٹ فنڈ کا حکم

    یونیکوڈ   پراویڈنٹ فنڈ 0
  • پراویڈنٹ فنڈ سے ملنے والی رقم کے استعمال کا حکم

    یونیکوڈ   پراویڈنٹ فنڈ 0
  • پراویڈنٹ فنڈ کا حکم

    یونیکوڈ   پراویڈنٹ فنڈ 0
  • جی پی فنڈ کی رقم پر جو اضافہ لگتا ہے، اسے استعمال میں لاناکیسا ہے؟

    یونیکوڈ   پراویڈنٹ فنڈ 0
  • مدرسہ کا ملازمین کیلئے پراویڈنٹ فند کا نظام بنانا

    یونیکوڈ   پراویڈنٹ فنڈ 0
  • پراویڈنٹ فنڈ اختیاری سے حاصل شدہ اضافی رقم کو کن مدات میں استعمال کیا جاسکتاہے؟

    یونیکوڈ   پراویڈنٹ فنڈ 0
  • جی پی فنڈ پر ملنے والی اضافی رقم کا استعمال جائز ہے یا نہیں ؟

    یونیکوڈ   پراویڈنٹ فنڈ 0
  • پراویڈنٹ فنڈ کا حکم

    یونیکوڈ   پراویڈنٹ فنڈ 0
  • پراویڈنٹ فنڈ لینے کا حکم

    یونیکوڈ   پراویڈنٹ فنڈ 0
Related Topics متعلقه موضوعات