گریجویٹی فنڈ میں میراث کا حکم

میرے والد کا انتقال ہوگیا تھا تین سال پہلے، اور ابھی والد کے آفس والوں نےمیری والدہ کے نام پچیس لاکھ (250000)کا چیک بنایا ہے بطور گریجویٹی، ابھی آپ سے سوال یہ ہیکہ یہ پیسے صرف میری والدہ کے ہیں یا ہم چار بہن بھائیوں کابھی اس میں حصہ ہوگا۔

الجوابُ حامِدا ًو مُصلیِّا ً

سائل کے والد مرحوم کے آفس سے گریجویٹی کے نام سے جو رقم ملی ہے وہ مرحوم کا ترکہ نہیں بلکہ یہ ادارہ کی طرف سے مرحوم کے زیر کفالت افراد کے ساتھ تعاون اور تبرع ہےچنانچہ یہ رقم اگر بغیر کسی تعیین کے دی جائے تو مرحوم کے تمام ورثاء اسمیں برابر کے شریک ہونگے اور اگر ادارہ اپنے ضابطہ کے مطابق کسی ایک کو نامزد کردے تو اس رقم کا وہی حقدار ہوگا،دیگر ورثاء کااسمیں کوئی حق نہ ہوگا،چنانچہ مذکور ادارےنے جب سائل کی والدہ کے نام چیک جاری کیا ہے تو اس رقم کی حقدار وہی ہے اس میں دیگر ورثاء کا شرعاًحصہ نہیں۔واللہ اعلم بالصواب