تین طلاقوں کے بعد اکھٹے ساتھ رہنے کے بعد پھر تین طلاقوں کی صورت میں عدت کا حکم

ایک خاتون کو 2013 میں شوہر نے تین بار طلاق دی تھی لیکن کچھ اسلامی ماہر کا کہنا تھا کہ یہ صرف ایک طلاق ہے اور انہوں نے دوبارہ شادی کا رشتہ شروع کر دیا، گزشتہ ماہ ر مضان میں اس کے شوہر نے دوبارہ تین طلاقیں دیں، اب انہوں نے کسی مفتی سے مشورہ کیا انہوں نے کہا کہ طلاق 2013 میں ہو چکی تھی ، اب سوال عدت کا ہے ؟ کیا اسے اس طلاق کی عدت پر عمل کرنا چاہیے ، یا 2013 میں سابقہ طلاق کی طرح کوئی شادی نہیں ہوئی تھی۔
نوٹ : سائل سے رابطہ کرنے پر معلوم ہوا کہ طلاق کے الفاظ " میں اپنے ہوش و حواس میں تمہیں طلاق دیتا ہوں ، طلاق دیتا ہوں ، طلاق دیتا ہوں " تھے۔

الجوابُ حامِدا ًو مُصلیِّا ً

صورت مسئولہ میں جب سائل نے اپنی بیوی کو 2013 میں مذکور الفاظ " میں اپنے ہوش و حواس میں تمہیں طلاق دیتا ہوں ، طلاق دیتا ہوں ، طلاق دیتا ہوں " کے ساتھ تین طلاقیں دیں تو اس سے تینوں طلاقیں واقع ہو کر حرمتِ مغلظہ ثابت ہو چکی تھی ، اس کے بعد بغیر حلالۂ شرعیہ کے دونوں کا ایک ساتھ رہنا شرعاً ناجائز اور حرام تھا ، جسکی وجہ سے دونوں سخت گناہ گار ہوئے ہیں ، لہذا دونوں پر لازم ہے کہ فوراً ایک دوسرے سے علیحد گی اختیار کریں اور میاں بیوی والے تعلقات ہر گز قائم نہ کریں ، تاہم اگرمفتی کی بات پر عمل کرتے ہوئے میاں بیوی والے تعلقات مسلسل قائم کیے تھے ، تو اس کی وجہ سے عدت ختم نہیں ہوئی ، بلکہ آخری مرتبہ ہمبستری کے بعد از سر نو عدت شروع ہو گئی ہے ، چنانچہ اس عدت کے ختم ہونے پر عورت دوسری جگہ نکاح کرنے میں آزاد ہے ۔

مأخَذُ الفَتوی

كما في التنزيل العزيز فأن طلقها فلا تحل له من بعد حتى تنكح زوجا غیرہ(البقرہ :230)
وفی الھندیة: وإن كان الطلاق ثلاثا في الحرة وثنتين في الأمة لم تحل له حتى تنكح زوجا غيره نكاحا صحيحا ويدخل بها ثم يطلقها أو يموت عنها كذا في الهداية اھ (1/473)۔
وفیھاایضاً :وأما المطلقة ثلاثا إذا جامعها زوجها في العدة مع علمه أنها حرام عليه ومع إقراره بالحرمة لا تستأنف العدة ولكن يرجم الزوج والمرأة كذلك إذا قالت: علمت بالحرمة، ووجدت شرائط الإحصان، ولو ادعى الشبهة بأن قال: ظننت أنها تحل لي تستأنف العدة بكل وطأة وتتداخل مع الأولى إلا أن تنقضي الأولى فإذا انقضت الأولى وبقيت الثانية والثالثة كانت هذه عدة لوطء (1/532)
وفی التاتارخانیة:وفی الینابیع :والوطیء بالشبه الموجبة لعدۃ اخری علی انواع:منھا:اذا طلقھا ثلاثا فعاد فتزوجھا فی العدة ودخل بھا، ومنھا :اذا دخل بھا فی العدة وقد طلقھا ثلاثا وقال ظننت انھا تحل لی(5/239)