دورانِ اقامت مقتدیوں کا حضورؐ کے نام کی تعظیم میں بیٹھے رہنا

جناب مفتی صاحب السلام علیکم
جماعت سے قبل جو تکبیر پڑھی جاتی ہے اس دوران امام اور مقتدیوں کا حضور پاکﷺ کے نام کی تعظیم میں بیٹھے رہنا کیسا ہے؟ ’’أشہد أن محمدا رسول اللہ‘‘ اور ’’حی علی الصلاۃ‘‘ پر کھڑے ہونا ، ہمیں کیا طریقہ اختیار کرنا چاہیۓ؟

الجوابُ حامِدا ًو مُصلیِّا ً

واضح ہو کہ شریعتِ مطہرہ نے ہر عمل کے آداب اور طریقے خود ہی تعلیم فرمائے ہیں اور اس کی تکمیل آپ ﷺ کی حیاتِ مبارکہ میں ہو چکی تھی اور خیر القرون میں اس پر عمل درآمد بھی ہو چکا تھا، بعد والوں کے لۓ کچھ بھی نہیں چھوڑا گیا ، اس لۓ دین میں اپنی طرف سے کوئی طریقہ نکال کر اس پر کار بند ہونا درست نہیں، اس سے احتراز چاہیۓ۔
اس کے بعد واضح ہو کہ دورانِ تکبیر لوگوں کو’’أشہد أن محمدا رسول اللہ‘‘ تک بیٹھنے کا حکم دینا اور پھر اپنے مخصوص طرزِعمل کو عظمتِ رسول کا لبادہ اڑھا کر اسے مسنون قرار دیناقطعاًغلط اور خلافِ شریعت ہے، جو بے دلیل ہونے کی وجہ سے دین میں زیادتی اور بدعت کے مترادف ہے، جس سے احتراز لازم ہے، البتہ تکبیر کے وقت ابتداءً کھڑا ہونا یا بقولِ بعض فقہاء کے کسی خاص صورت میں ’’حی علی الصلاۃٰ‘‘پر کھڑے ہونا ہر دو صورتوں کے موافق عمل کرنے کی گنجائش ہے۔

مأخَذُ الفَتوی

فی عمدة القاري: فذهب مالك وجمهور العلماء إلى أنه ليس لقيامهم حد، ولكن استحب عامتهم القيام إذا أخذ المؤذن في الإقامة اھ(5/ 153)۔
وفی البدائع: لأن القیام لأجل الصلاة ولایمکن ادائها بدون الإمام فلم یکن القیام مفیداً ثم ان دخل الإمام من قدام الصفوف فکما راوه قاموا لأنه کما دخل المسجد قام مقام الإمامة وإن دخل من وراء الصفوففالصحيح أنه كلما جاوزصفاً قام ذلك الصف لأنه صار بمال لواقتدوا به جاز فصار فی حقهم کانه أخذ مکانه اھ (۱/۲۰۰)ز