قیامت کے قریب جمعہ کو پہلا رمضان اور دھماکے کی آواز

السلام علیکم ورحمۃ اللہ وبرکاتہ وبعد جناب مفتی صاحب ہمارے ہاں انڈیا گجرات میں فتاویٰ رضویہ کے حوالے سے بریلوی حضرات نے ایک بات حضور اکرمﷺ کی طرف منسوب کرتے ہوئے بتاتے ہیں کہ ایک سال ایسا آئے گا جس میں اولے بہت برسیں گے اور زلزلے کثرت سے آئیں گے اس سال رمضان المبارک کا پہلا اور پندرھواں روزہ جمعہ کا دن ہوگا اور پندرھواں رات کو ایک دھماکہ سنائی دے گا، تو اس جمعہ کی فجر کی نماز پڑھ کر اپنے اپنے گھروں میں داخل ہو جاؤ اور چادر اوڑھ لو پھر ایک چیخنے کی آواز سنائی دے تو فوراً اللہ کو سجدہ کر کے سجدہ میں یہ تسبیح پڑھیں (۱) سبحان القدوس (۲) سبحان القدوس (۳) ربنا القدوس جبتک آواز سنائی دے جو ایسا کرے گا وہ نجات پائے گا (زندہ بچ جائے گا) اور جو ایسا نہیں کرے گا وہ ہلاک ہو جائے گا (مر جائے گا) اس کے بارے میں تحقیق چاہیے امید ہے کہ آپ ہمیں ممنون ومشکور فرمائیں گے فقط والسلام سراج الدین غفرلہ

الجوابُ حامِدا ًو مُصلیِّا ً

باوجود تتبع و تلاش کے ہمیں مذکور حدیث کتب حدیث میں نہیں ملی معلوم ہوتا ہے کہ یہ من گھڑت روایت ہے اس لیے سائل کو چاہیے کہ ان لوگوں سے اس کا حوالہ مانگے اگر مل جائے تو ہمیں بھیج دیں تو اس پر مکرر غور کیا جا سکتا ہے۔ واللہ اعلم بالصواب!