السلام علیکم رحمۃاللہ و برکاتہ۔۔۔کیا فرماتے ہیں مفتیان دین و شرع متین اس مسئلے میں کہ کیا والد اپنے ایک بیٹے کی خرید کردہ ملکیتی غیر منقولہ جائداد اس بیٹے کے ہوتے ہوئے اس کی رضامندی کے بغیر اپنے دوسرے عاقل و بالغ بر سر روزگار بیٹوں کے نام منتقل کر سکتا ہے؟
صورتِ مسئولہ میں اگر مذکورہ جائیداد تنہا بیٹے نےاپنے ذاتی مال سے خریدی ہو،اس کی خریداری میں والد یا دیگر بھائیوں نے کوئی رقم شامل نہ کی ہو،تومذکورہ جائیدادکامالک فقط وہی بیٹاشمارہو گا، والدکومذکوربیٹے کی اجازت ورضامندی کے بغیراس جائیدادکودوسرے بیٹوں کے نام منتقل کرنے کا کوئی اختیار نہیں؛ ایسا کرنا دوسرے کے مال میں بلااجازت تصرف ہے، جوشرعا ناجائز اورحرام ہے،جس سے بہرصورت احترازلازم ہے۔
وفی شرح سنن ابی داود لابن ارسلان: قال) له (أنت ومالك لوالدك) اللام للإباحة لا للتمليك، فإن مال الولد له وزكاته عليه وهو موروث عنه،الخ(باب فی الرجل یاکل من مال ولدہ،ج:14 ص:518 ناشر:دار الفلاح)
وفی کنز العمال: "كل أحد أحق بماله من والده وولده والناس أجمعين". "هق عن حبان الجمحي".اھ( کتا ب الدعوی ،ج:6 ص:188 ، ناشر:مؤسسۃ الرسالۃ)
وفی درر الحکام فی شرح مجلۃ الاحکام: لا يجوز لأحد أن يتصرف في ملك الغير بلا إذنه هذه،الخ((المادة 96) لا يجوز لأحد أن يتصرف في ملك الغير بلا إذنه،ج:1 ص:96 ناشر:دار الجیل)