کیا فرماتے ہیں مفتیانِ کرام اس مسئلہ کے بارے میں کہ اگر کوئی شخص کسی بھی معاملہ میں جھوٹی قسم کھاتا ہو اور ناحق ہو نے کے باوجود قرآن اٹھا کر قسم کھا لیتا ہو، ایسی صورت میں اگر ضرورت پڑ جائے تو کیا دوبارہ اس شخص سے قسم لیکر یا قرآن پر ہاتھ رکھوا کر قسم لیکر اعتبار کیا جا سکتا ہے یا نہیں ؟ رہنمائی فرمائیں ۔
نوٹ: جو آدمی ایک بار قسم کھانے میں جھوٹا ثابت ہو جائے تو کیا دوبارہ اس کی قسم پر اعتبار کیا جا سکتا ہے یا نہیں؟
سائل کا سوال پو ری طرح واضح نہیں کہ سائل کا منشاء اور مقصد کیا ہے، تاہم اصولی بات یہ ہے کہ کسی شخص کا جھوٹی قسم کھانا شرعاً ناجائز اور حرام ہے، جس پر سخت قسم کی وعید یں وارد ہوئی ہیں، البتہ اگر کسی شخص نےجھوٹی قسم کھانے کے بعد بصدقِ دل توبہ و استغفار کر لیا ہو اور اس کا جھوٹی قسمیں کھانا معروف و مشہور نہ ہو تو کسی دوسرے معاملہ میں اس کے قسم پر اعتبار کیا جا سکتا ہے۔
کما فی الصحیح للبخاری: عن عبد الله بن عمرو، عن النبیّ ﷺ قال: الكبائر الإشراك بالله، و عقوق الوالدين، و قتل النفس، و اليمين الغموس، اھ ( كتاب الأيمان و النذور، باب: اليمين الغموس، ج 4، ص 2935، رقم: 6675، ط: البشری )-
و فی الھدایۃ: و لا المحدود فی قذف و إن تاب لقوله تعالى: "و لا تقبلوا لهم شهادة أبداً" و لأنه من تمام الحد لكونه مانعا فيبقى بعد التوبة كأصله، بخلاف المحدود فی غير القذف لأن الرد للفسق و قد ارتفع بالتوبة، الخ ( کتاب الشھادہ، باب من تقبل شهادته و من لا تقبل، ج 3، ص 234، ط: مکتبۃ انعامیۃ)-
و فی البدائع: و لو شهد الفاسق فردت شهادته لتهمة الفسق، أو شهد أحد الزوجين لصاحبه فردت شهادته لتهمة الزوجية، ثم شهدوا فی تلك الحادثة بعد التوبة و البينونة لا تقبل، الخ ( كتاب الشهادة، بيان ركن الشهادة،ج 6، ص 266، ط: ایچ ایم سعید )-
و فیھا ایضاً: و المعروف بالكذب لا عدالة له و لا تقبل شهادته أبداً و إن تاب، لأن من صار معروفا بالكذب و اشتهر به لا يعرف صدقه فی توبته بخلاف الفاسق، إذا تاب عن سائر أنواع الفسق تقبل شهادته، و كذا من وقع فی الكذب سهوا و ابتلی به مرة ثم تاب، لأنه قل ما يخلو مسلم عن ذلك فلو منع القبول لانسد باب الشهادة، الخ ( كتاب الشهادة، بيان ركن الشهادة،ج 6، ص 269، ط: ایچ ایم سعید )-
’’اگر میں نے اس کام کو دوبارہ کیا تو میں اللہ اور اس کے رسول کا بڑا دشمن ہوں گا‘‘کہنے کا حکم
یونیکوڈ قسم کا کفارہ 0جو ایک دفعہ کسی معاملے میں جھوٹا ثابت ہوجائے تو کیا اس کی قسم کا اعتبار ہوگا؟
یونیکوڈ قسم کا کفارہ 0''دادا ،دادی کی محبت پر شک کروں تو کافر اٹھائی جاؤں" کہنے سے کفارہ لازم ہوگا؟
یونیکوڈ قسم کا کفارہ 0