آدمی کی کمائی پر کس کس کا حق ہے؟

شوہر کی کمائی پر بیوی کے علاوہ کس کس کا حق ہے ؟

الجوابُ حامِدا ًو مُصلیِّا ً

واضح ہو کہ شوہر کی کمائی پر بیوی اور نابالغ اولاد کے علاوہ دیگر اعزہ و اقرباء یعنی والدین ، دادا ، دادی اور ذوی الارحام ( قریبی رشتہ داروں ) میں سے ان تمام لوگوں کا بھی بقدر ضرورت حق متعلق ہوتا ہے جن کے گزر بسر اور نان و نفقہ وغیرہ کا کوئی اور انتظام نہ ہو اور نہ ہی وہ کمانے کی قدرت رکھتے ہوں ۔

مأخَذُ الفَتوی

قال اللہ تعالی :و صاحبھما فی الدنیا معروفا الآیۃ (پ 21 ، سورۃ لقمان آیت 15 ) ۔
وفی احکام القرآن للجصاص : وفی ذلک دلیل (الی قولہ ) و ان علیہ نفقھما اذا احتاجا الیہ اذا کان جمیع ذلک من الصحبۃ بالمعروف الخ (ج 3 ص 352 ط : سھیل اکیڈیمی لاھور ) ۔
و فی الدرالمختار : (و نفقۃ الغیر تجب علی الغیر باسباب ثلاثۃ : زوجیۃ ، و قرابۃ ، و ملک )الخ ( ج 3 ص 572 )۔
و فی المبسوط للسرخسی:(قال)وکذالک الجد اب الاب و الجدۃ ام الام و ام الاب لانھم من الوالدین و حالھم فی استحقاق النفقۃ کحال الابوین ( الی قولہ قال)وکذلک یجبر علی نفقۃ کل ذی رحم محرم منہ الصغار و النساء و اھل الزمانۃ من الرجال اذا کانوا ذوی حاجۃ عندنا الخ (ج 5 باب النفقۃ ص 222/223 ط: دار الکتب العلمیۃ )۔