مارکیٹ کی چھت کو بطورِ مسجد استعمال کرنے سے متعلق چند سوالات

کیا فرماتے ہیں علماءِ کرام ومفتیانِ عظام اس مسئلہ کے بارے میں کہ ہمارے ہاں ’’مواچھ گوٹھ‘‘ کے مارکیٹ میں ایک مسجد تھی جو کہ ریور روڈ بائی پاس بناتے وقت شہید کر دی گئی، اب مارکیٹ میں دیوبندیوں کی کوئی مسجد نہیں، کا فی دور دیگر مساجد ہیں، البتہ بریلویوں کی مسجد ہے، مگر وہاں ہمارے ساتھی بہت کم جاتے ہیں، اب نمازیوں کی پریشانی کو مدِّنظر رکھ کر ’’الوھاب شاپنگ سینٹر‘‘ کے مالک نے اپنی مارکیٹ کی دوکانوں کے بیچ والی دیوار توڑ کر ایک جگہ بطورِ جائے نماز دی ہے، وہاں پر چار وقت نماز باجماعت ادا کی جاتی ہے، مگر چونکہ جگہ تنگ ہے، لوگ پورے نہیں آتے، اس لیے مالکِ مارکیٹ کا ارادہ ہے کہ مکمل مارکیٹ کی چھت کو بطور ِجائے نماز استعمال کیاجائے اور جمعہ بھی شروع کیا جائے اور فجر کی نماز بھی ،اب پوچھنا یہ ہےکہ:
۱۔ کیا اس مارکیٹ کی چھت پر جمعہ کی ادائیگی درست ہے؟
۲۔ کیا چھت پر نماز شروع کرنے سے یہاں اور دیگر مساجد میں نماز کے ثواب میں فرق ہوگا؟
۳۔ اس جائے نماز میں اگر کوئی رمضان میں اعتکاف میں بیٹھے تو درست ہے؟ قرآن و حدیث کی روشنی میں واضح جواب عنایت فرما کر عند اللہ ماجور ہوں۔

الجوابُ حامِدا ًو مُصلیِّا ً

مذکور جگہ میں اعتکاف درست نہیں اور نہ ہی یہاں نماز پڑھنے سے مسجد کا ثواب ملےگا ، کیونکہ مسجدِ شرعی ہونے کے لیے متعلقہ جگہ کو مکمل طور پر مسجد یا ضروریاتِ مسجد کے لیے وقف کرنا ضروری ہے جو صورتِ مسئولہ میں مفقود ہے، البتہ صحتِ جمعہ کے لیے مسجد کا ہونا شرعاً ضروری نہیں، اس لیے وہاں قیامِ جمعہ کی گنجائش ہے۔

مأخَذُ الفَتوی

ففي اللباب في شرح الكتاب: (و هو اللبث) بفتح اللام - مصدر لبث - كفهم - أي المكث (في المسجد مع الصوم و نية الاعتكاف) أما اللبث فركنه؛ لأن وجوده به (الی قوله) و المراد بالمسجد مسجد الجماعة، و هو: ما له إمام و مؤذن، أديت فيه. الخمس أولاً، كما في العناية و الفيض و النهر و خزانة الأكمل و الخلاصة و البزازية، و في الهداية عن أبي حنيفة: أنه لا يصح إلا في مسجد يصلى فيه الصلوات الخمس، لأنه عبادة انتظار الصلاة فيختص بمكان تؤدى فيه؛ و صححه الكمال و عن الإمامين يصح في كل مسجد. و صححه السروجي، و هو اختيار الطحاوي، و قال الخير الرملي: و هو أيسر، خصوصاً في زماننا، فينبغي أن يعول عليه. اهـ. (1/ 175)۔
و في النتف في الفتاوى: و اما صلاة الجمعة فانها لا تجوز الا بخمسة شرائط أحدها المصر الجامع و الثاني أمر السلطان و الثالث الوقت و الرابع القوم و الخامس الخطبة اھ (1/ 90)۔