نبی کریم ؐ اور صحابہ کرامؓ کی شان میں گستاخی کرنے کا حکم

گستاخِ رسولﷺ اور گستاخِ صحابہؓ کے بارے میں شرعاً کیا حکم ہے؟

الجوابُ حامِدا ًو مُصلیِّا ً

نبی کریم ﷺ کی شان میں گستاخی کرنا نہ صرف یہ کہ یہ شنیع حرکت ہے، بلکہ دائرۂ اسلام سے خروج و ارتداد کا باعث بھی ہے اور ایسا شخص جب تک اپنی اس حرکت پر ندامت کے ساتھ بصدقِ دل توبہ واستغفار کر کے دوبارہ اسلام میں داخل نہ ہو جائے ، اسے قتل کرنا شرعاً جائز ہو جاتا ہے، لیکن اسے قتل کرنے کا اختیار عام عوام کو ہرگز حاصل نہیں، بلکہ حاکمِ وقت کو ہے۔
اور جو شخص صحابہ کرام رضی اللہ عنہم اجمعین کی شان میں گستاخی کرے اور اپنے اس گھناؤنے اور قبیح فعل کو جائز سمجھ کر کرے یا اس کو باعثِ ثواب سمجھے تو ایسا شخص بلاشبہ مرتد اور دائرہ اسلام سے خارج ہے ایسا شخص جب تک توبہ واستغفارکر کے دوبارہ اسلام میں داخل نہ ہو جائے ، اس کی سزا قتل ہے اور اگر حلال اور باعثِ ثواب نہ سمجھتے ہوئے گستاخی کا ارتکاب کرے تو ایسا شخص گمراہ اور فاسق ہے، ایسے شخص کو عدالت کے ذریعہ عبرت ناک سزا دلوائی جائے تاکہ آئندہ کے لیے کوئی ایسی حرکتِ شنیعہ کا ارتکاب نہ کرے۔

مأخَذُ الفَتوی

وفی الفقه الإسلامي وأدلته: وأما من سب الله تعالى أو النبي صلّى الله عليه وسلم أو أحداً من الملائكة أو الأنبياء، فإن كان مسلماً قتل اتفاقاً. واختلف هل يستتاب أو لا، المشهور عند المالكية عدم الاستتابة وإن كان كافراً، فإن سب بغير ما به كفر، فعليه القتل، وإلا فلا قتل عليه. (7/ 5577)-
وفی تنبیه الولاة والحکام: وأما من سبّ أحدا من الصحابة فھو فاسق ومبتدع بالإجماع إلّا إذا إعتقد أنه مباح أو یترتب علیه ثواب کما علیه بعض الشیعة أو إعتقد کفر الصحابة فانه کافر بالإجماع فاذا سبّ أحدا منهم فینظر فان کان معه قرائن حالیة علی ماتقدم من الکفریات فکافر وإلا ففاسق، وإنما یقتل عند علمائنا سیاسیة لدفعِ فسادهم وشرّهم الخ (رسائل ابن عابدین: ۱/۳۶۷)-