اللہ تعالیٰ ہربندہ مؤمن کے دل میں موجود ہیں کا مطلب اور اچھی یا بری سوچ اللہ کی طرف سے ہونے کا مطلب

کیا فرماتےہیں علماءِ کرام و مفتیانِ عظام درج ذیل مسائل کے بارے میں کہ:
۱۔ بعض لوگ کہتے ہیں کہ اللہ تعالیٰ ہر مؤمن کے دل میں موجود ہیں اس کی وضاحت کریں کہ کس اعتبار سے دل میں موجود ہوتے ہیں، کیونکہ بعض لوگ کہتے ہیں کہ اللہ تعالیٰ ہر مؤمن کے دل میں بیٹھے ہوتے ہیں۔
۲۔ اللہ تعالیٰ ہر آدمی کے شہ رگ سے بھی زیادہ قریب ہیں اس کی وضاحت کریں کہ کس اعتبار سے قریب ہیں؟ کیا اللہ تعالیٰ شہ رگ میں بیٹھے ہوئے ہیں یا نہیں؟
۳۔ بعض لوگ کہتے ہیں کہ انسان کو جو سوچ آتی ہے چاہے وہ اچھی ہو یا بری وہ اللہ کی طرف سے ہے ، کیا یہ درست ہے یا نہیں؟براہ ِکرم قرآن و سنت کی روشنی میں وضاحت فرمائیں۔

الجوابُ حامِدا ًو مُصلیِّا ً

۱، ۲۔ واضح ہو کہ یہ کہنا برا نہیں، بلکہ جائز اور درست ہے اور اس کا مطلب یہ ہوا کرتا ہے کہ اللہ تعالیٰ اپنی صفاتِ خاصہ علیم و خبیر اور بصیر وغیرہ کے اعتبار سے مخلوق کے ہر زرہ میں موجود اور اس کے اگلے پچھلے اور موجودہ تمام احوال کو بخوبی جانتے ہیں۔ اور اگر کوئی شخص ان اقوال سے یہ مراد لے کہ اللہ تعالیٰ اپنی ذات کے اعتبار سے ان اشیاء میں حلول کیے ہوئے اور جگہ پکڑے ہوئے ہیں تو بلاشبہ یہ کفریہ عقیدہ ہے ، جس سے احتراز لازم ہے۔
۳۔ اگرچہ یہ سوچ حقیقۃً من جانب اللہ ہوتی ہے، مگر بُری سوچ کو اپنے سبب شیطان اور اچھی سوچ کی فرشتہ کی طرف نسبت کی جاتی ہے، جبکہ اس سوچ کے موافق یا مخالف عمل کرنا یہ انسان کے اختیار میں ہے اور اسی اختیار پر جزاء وسزا بھی مرتب ہوتی ہے۔

مأخَذُ الفَتوی

ففی الفردوس بماثور الخطاب: قال ابن تیمیه ھو مذکور فی الاسرائیلیات(إلی قوله) و معناہ وسع قلبه الإیمان بی و محبتی و معرفتی وإلا فمن قال إن اللہ یحل فی قلوب الناس فھو اكفر من النصاری اھ (۳/۱۷۴)
وفی تفسير روح المعاني: ﴿وَنَحْنُ أَقْرَبُ إِلَيْهِ مِنْ حَبْلِ الْوَرِيدِ﴾ أي نعلم به وبأحواله لا يخفى علينا شيء من خفياته على أنه أطلق السبب وأريد المسبب لأن القرب من الشيء في العادة سبب العلم به وبأحواله أو الكلام من باب التمثيل ولا مجال لحمله على القرب المكاني لتنزهه سبحانه عن ذلك۔ (13/ 328)
و فی حاشیة مشكاة المصابیح: قوله به قرینه من الجن و قرینه من الملائكة أی لكل أحد من بنی اٰدم صاحب من الملك وصاحب من الشیطان وھو قرین، فقرینه من الملائکة یأمره بالخیر، واسمه الملهم وقرینه من الشیطان یأمره بالشر و اسمه أھرمن والوسواس اھ (۱/۱۸)واللہ أعلم بالصواب!