خود نبی کریمﷺ کلمہ طیبہ کن الفاظ میں پڑھتے تھے؟

حضورﷺ خود کلمہ کس طرح پڑھتے تھے؟ میں نے سنا ہے کہ حضورﷺ کلمہ اس طرح پڑھتے تھے ’’لا الہ الا اللہ انا محمد رسول اللہ‘‘ کیا یہ درست ہے؟براہِ کرم تفصیل سے جواب عنایت فرمائیں۔

الجوابُ حامِدا ًو مُصلیِّا ً

نبی کا خود اپنی نبوت پر ایمان لانا بھی ضروری ہے، مگر یہ کہیں منقول نہیں کہ آپ مذکور الفاظ میں کلمہ پڑھا کرتے تھے، تاہم آپ علیہ السلام نے دورانِ دعوت جو لوگوں کو اللہ تعالیٰ کی وحدانیت اور اپنی رسالت و اتباع کےلیے بلایاہے تو عموماً ان الفاظ سے کہ ’’لا الہ الا اللہ و انی رسول اللہ‘‘ اور پھر چونکہ متکلم کے حق میں اپنا نام لینے کی بجائے اپنے منصب اور عہدے کو بیان کرنے میں زیادہ فصاحت و بلاغت ہے، اس لیے آپ علیہ السلام نے بھی یہی پسند فرمایا۔

مأخَذُ الفَتوی

قال اللہ تعالیٰ: ﴿قُلْ يَاأَيُّهَا النَّاسُ إِنِّي رَسُولُ اللَّهِ إِلَيْكُمْ جَمِيعًا﴾(الأعراف: 158)
و فی فتح الملهم: عن ابن عباس، أن معاذا، قال: بعثني رسول الله - صلى الله عليه وسلم - فقال: «إنك تأتي قوما من أهل الكتاب، فادعهم إلى شهادة أن لا إله إلا الله وأني رسول الله الخ (1/ ۵۴۰)
و فی مصنف ابن أبي شيبة:عن ابن عباس، عن معاذ قال: بعثني رسول الله - صلى الله عليه وسلم - فقال: «إنك تأتي قوما من أهل الكتاب فادعهم إلى شهادة أن لا إله إلا الله وأني رسول الله،(2/ 353) ـــــــ واللہ أعلم بالصواب