دوائی کے اثر سے ، شرمگاہ سے مواد نکلنے کے احکامات

السلام علیکم میں اپنے دماغ کے سنگین مسائل سے دوچار ہوں اور اس لۓ ڈاکٹر نے مجھے بہت تیز دوائیں دی ہیں ، میں با قاعدگی سے نماز پڑھتی ہوں لیکن اس سے میری نماز متاثر ہو رہی ہے ، جیسا کہ جب بھی میں دوائیں لیتی ہوں تو یہ اندام نہانی سے ماده نکلنے کا سبب بن جاتی ہیں ، میں دن میں تین بار دوائی لیتی ہوں اور تین بار پانی نکلتا ہے، اب مجھے کیا کرنا چاہیۓ ؟ کیا میں نماز پڑھنا چھوڑ سکتی ہوں یا ( نماز ) جاری رکھوں ، ناپاک جگہ اور کپڑوں کو صاف کرنے کے ساتھ ؟ اور میں دن میں تین بار غسل نہیں کر سکتی ، براہِ کرم ان مسائل کو حل کرنے میں میری مدد کریں۔ جزاک اللہ

الجوابُ حامِدا ًو مُصلیِّا ً

صورتِ مسئولہ میں آگے کی راہ سے نکلنے والا لیس دار مادہ اگر منی نہ ہو یا منی ہو ، لیکن بغیر شہوت کے نکلے تو اس سے سائلہ پرغسل لازم نہ ہو گا ، البتہ اس سے وضو ٹوٹ جائیگا ، لہذا متعلقہ مقام اور کپڑوں کو دھونے اور وضو کرنے کے بعد سائلہ کیلۓ نماز پڑھنا جائز اور درست ہو گا۔

مأخَذُ الفَتوی

كما في الدر المختار و حاشية ابن عابدين : (و فرض) الغسل (عند) خروج (مني) من العضو (بشهوة) أي لذة و لو حكما كمحتلم ، و لم يذكر الدفق ليشمل مني المرأة ؛ لأن الدفق فيه غير ظاهر . اهـ (رد المحتار ، ج:1 ، ص: 159)۔
و في الفتاوى الهندية : (الفصل الخامس في نواقض الوضوء) منها ما يخرج من السبيلين من البول و الغائط و الریح الخارجة من الدبر و الودي و المذي و المني و الدودة و الحصاة الغائط يوجب الوضوء قل أو كثر و كذلك البول و الریح الخارجة من الدبر كذا في المحيط اهـ (ج:1 ، ص: 9)۔
و فيه ايضا : (الفصل الثالث في المعاني الموجبة للغسل و هي ثلاثة منها الجنابة و هي تثبت بسببين أحدهما خروج المني على وجه الدفق و الشهوة . اهـ (14/1)۔