میرا سوال یہ ہے کہ آج کل جو حکومت پاکستان نے " پرائم منسٹر ہاؤسنگ اسکیم "کے تحت لون دے رہی ہے ، یہ لون گھر خریدنے کے لیے لینا جائز ہےیا سود کے زمرے میں آتا ہے؟براہِ مہربانی میری رہنمائی فرمائیں ۔ شکریہ!
ہاؤسنگ اسکیم کے تحت لوگوں کو جو قرضہ فراہم کیا جائے گا، وہ سودی قرضہ ہے، اور سودی معاملہ کوئی بھی ہو ،قرآن و سنت کی واضح نصوص کی رو سے شرعاً ناجائز اور حرام ہے، اس لیے اس طرح کی اسکیموں کے ذریعے سودی قرض لے کر اپنی ضرورت پوری کرنے کے بجائے کسی فرد یا ادارے سے بلا سود قرض لے لیا جائے ورنہ مستند مفتیان کرام کی زیر نگرانی چلنے والے کسی اسلامی بینگ سے جائز متبادل طریقے کے ذریعہ بھی اپنی مذکور ضرورت پوری کی جا سکتی ہے۔