آن لائن نیٹ ورک مارکیٹنگ میں پیسے لگانے کا حکم

آن لائن نیٹ ورک مارکیٹنگ میں پیسے لگانا کیسا ہے ؟ ایک شخص کہتا ہے پانچ ڈالر لگائیں اپنے ساتھ دو بندے لے کر آئیں، ایک بندہ کے بدلہ آپ کو 0.5 ڈالر ملیں گے ، بس یہی کام کرنا ہے، بندے لے کر آؤ وہ کمپنی سے پانچ ڈالر میں میں اپنا اکاؤنٹ بنوائیں، اور پھر وہ بھی بندے لے کر آئیں، کیا اس کام کو کرنا جائز ہے ؟

الجوابُ حامِدا ًو مُصلیِّا ً

مذکور طریقہ کاروبار میں عموماً قمار ، غرر اور دیگر شرعی خرابیاں پائی جاتی ہیں، جو کہ شرعاً ناجائز اور حرام ہیں، اس لئے اس کاروبار میں پیسہ لگانے سے احتراز لازم ہے۔

مأخَذُ الفَتوی

كما في الدر المختار: حل الجعل إن شرط المال (من جانب واحد وحرم لو شرط) فيها (من الجانبين) لأنه يصير قمارا اھ (6/ 403)-
و في حاشية ابن عابدين (رد المحتار): (قوله لأنه يصير قمارا) لأن القمار من القمر الذي يزداد تارة وينقص أخرى، وسمي القمار قمارا لأن كل واحد من المقامرين ممن يجوز أن يذهب ماله إلى صاحبه، ويجوز أن يستفيد مال صاحبه وهو حرام بالنص، ولا كذلك إذا شرط من جانب واحد لأن الزيادة والنقصان لا تمكن فيهما بل في أحدهما تمكن الزيادة، و في الآخر الانتقاص فقط فلا تكون مقامرة لأنها مفاعلة منه زيلعي. (6/ 403)-