مرد وزن کے لئے سیاہ لباس پہننے کا حکم

محترم مولانا صاحب ! السلام علیکم ورحمۃ الله وبركاتہ!
کالا لباس مرد اور عورت کے لئے پہننا کیسا ہے؟ نیز کون سے رنگ کا لباس مردوں کے لئے پہننا جائز نہیں ؟ کیا جہنمیوں کے لباس کا رنگ بھی سیاہ ہوگا؟ جواب مطلوب ہے ؟

الجوابُ حامِدا ًو مُصلیِّا ً

عام حالات میں مردوں اور عورتوں کے لئے کالا لباس پہننے میں شرعا کوئی حرج نہیں، البتہ مخصوص حالات میں جب کسی گمراہ فرقہ کے ساتھ مشابہت کا شبہ ہو، تو ان حالات میں کالا لباس نہ پہننا چاہئے، جبکہ مردوں کے لئے خالص سرخ رنگ یا زعفران میں رنگا ہوا لباس یا ایسا لباس جس میں خواتین کے ساتھ مشابہت ہو مکروہ ہے جس سے احتراز کرنا چاہیے۔

مأخَذُ الفَتوی

كما في الدر المختار: (وندب لبس السواد وإرسال ذنب العمامة بين كتفيه إلى وسط الظهر) (إلى قوله) (ويكره) أي للرجال كما مر في باب الكراهية (لبس المعصفر والمزعفر) لقول «ابن عمر - رضي الله عنهما - نهانا رسول الله - صلى الله عليه وسلم - عن لبس المعصفر وقال إياكم والأحمر فإنه زي الشيطان» اھ (6/ 755) والله اعلم بالصواب