اُلٹی چپل کو سیدھا کرنا اور اسپرے کپڑوں پر لگانا

السلام علیکم مفتی صاحب!
عام طور پر چپل اُلٹی پڑی ہو تو لوگ سیدھا کرلیتے ہیں اس کی شرعی حیثیت کیا ہے؟
(۲) اسپرے (پرفیوم) کپڑوں پر لگنے سے کپڑے ناپاک ہوجاتے ہیں یا نہیں؟

الجوابُ حامِدا ًو مُصلیِّا ً

(۱) چپل کا اُلٹا ہونا اگرچہ گناہ نہیں، مگر اس کو سیدھا رکھنا تہذیب اور آداب میں سے ضرور ہے، اس لیے اس کا خیال رکھنا چاہیے۔
(۲) آج کل چونکہ اکثر اسپرے کے اندر انگور یا کھجور سے بنا ہوا الکحل نہیں ہوتا، بلکہ دیگر مختلف چیزوں مثلاً مکئی، جو، گندم، آلو، چاول، یا پیٹرول سے بنا ہوا الکحل ہوتا ہے، اس لیے اس کوکپڑے پر لگانے میں کوئی حرج نہیں۔

مأخَذُ الفَتوی

في مشکاۃ المصابیح: عن مالك بلغه أن رسول الله صلى الله عليه وسلم قال: «بعثت لأتمم حسن الأخلاق» رواه الموطأ " اھ (۲/۴۳۲)۔
کما فی تکملة فتح الملهم: وإن معظم الکحول اللتی تستعمل الیوم الادویة والعطور وغیرها لا تتخذ من العنب أو التمر وانما تتخذو من الحبوب او القشور أو البترول وغیرہ کما ذکرنا فی باب بیع الخمر اھ (۳/ ۶۰۸) واللہ أعلم بالصواب!