کسی مہینہ کی خبر دینے پر جنت کے وعدہ والی احادیث کا حکم

السلام علیکم! محترم آجکل فیس بک پر کچھ احادیث مبارکہ چلی ہوئی ہیں اسلامی مہینوں کے بارے میں کہ جس شخص نے ان مہینوں ( رمضان المبارک ، ربیع الاول ) کی خبر کسی دوسرے شخص کو سب سے پہلے دی اس پر جہنم کی آگ معاف کردی گئی۔ براہ مہربانی اس کی تصدیق کردیں؟

الجوابُ حامِدا ًو مُصلیِّا ً

ذخیرۂ احادیث میں ایسی کوئی حدیث موجود نہیں جس میں کسی نئے مہینے کی اطلاع دینے پر جہنم کی آگ حرام ہونے کی خوشخبری سنائی گئی ہو، لہذا ایسی من گھڑت روایات کو فیس بک وغیرہ کے ذریعے لوگوں میں عام کر دینا انتہائی سخت گناہ کی بات ہے جس پر احادیث مبارکہ میں سخت قسم کی وعید وارد ہوئی ہے، لہذا بغیر تحقیق کے ایسی بے بنیاد روایات کو لوگوں کے درمیان عام کرنے سے احتراز لازم ہے۔

مأخَذُ الفَتوی

فی البضاعۃ المرجاۃ لمن یطالع المرقاۃ فی شرح المشکوٰۃ: عن عبد اللہ بن عمرو رضی اللہ عنہما، قال قال رسول اللہ صلی اللہ علیہ و سلم بلغوا عنی و لو آیۃً، و حدثوا عن بنی اسرائیل و لا حرج، و من کذب علی‘ متعمداً فلیتبوأ مقعدہ من النار رواہ البخاری ( ۱/ ۴۴۶)۔ واللہ اعلم بالصواب