ہاؤس بلڈنگ فائنائسنگ کار پوریشن کے ذریعے قرضہ لینا

ترجمہ : کیا میں HBFC (ہاوس بلڈنگ فنانسنگ کارپور یشن) سے قرضہ لے کر فلیٹ خرید سکتا ہوں ؟ اس قرض کی پیمنٹ 20 سال میں ادا ہوگی، میں 10 ہزار فی مہینہ کرائے پر رہتا ہوں، اگر میں یہ قرض لیتا ہوں تو 2500 مہینہ دینے ہونگے اس طرح میرا فلیٹ بھی ہو جائے گا ، میرے پاس اتنا اماؤنٹ نہیں کہ میں نقد پر فلیٹ خرید سکوں ۔ شکریہ!

الجوابُ حامِدا ًو مُصلیِّا ً

ہاؤس بلڈنگ فنائسنگ کارپوریشن کی مروجہ ترتیب سود پر مبنی ہونے کی وجہ سے شرعاً جائز نہیں، البتہ اس معاملہ کو جائز طریقہ سے انجام دینا بھی ممکن ہے، وہ اس طرح کہ کوئی شخص یا ادارہ بینک وغیرہ مطلوبہ مکان کی باضابطہ نقد خریداری کر کے اس پر اپنا مالکانہ قبضہ کرلے، اس کے بعد ادھار معاملے کے ذریعے سائل پر قسطوں میں بیچ دے اور اس طرح قسطوں کے معاملے میں ابتداء ًطے کر لیا جائے کہ یہ ادھار اور قسطوں کا معاملہ ہوگا،اس میں کل اتنی قسطیں ہونگی اور ہر قسط کی مالیت یہ ہوگی اور کسی قسط کے شارٹ ہونے پر کوئی اضافی چارجز بھی وصول نہ کیے جاتے ہوں تو اس طرح کا معاملہ شرعاً بھی جائز ہے اور سائل اپنے ذاتی مکان کا مالک بھی بن سکتا ہے ۔

مأخَذُ الفَتوی

كما قال الله تعالى: واحل الله البيع وحرم الربوا الآية ( البقرة ٢٧٥)۔
وفي الشامية: (قوله لئلا یفيضی إلى النزاع ) (إلى قوله) .ومنها اشتراط أن يعطيه الثمن على التفاريق أو كل أسبوع البعض فإن لم يشرط في البيع بل ذكر بعده لم يفسد، وكان له أخذ الكل جملة وتمامه في البحر" (۱۳۳/۲)۔