میں یہ پوچھنا چاہتا ہوں کہ اذان کسی اور کے گھر میں دی جائے اور نماز مسجد میں ادا کی جائے، اسلام میں یہ طریقہ ٹھیک ہے یا نہیں؟ دوسرا یہ ہے کہ اسپیکر میں اذان دینا جس کی آواز زیادہ ہو اور یہ کہ مسجد کےاندر اذان دینا مکروہ ہے یا نہیں، براہِ کرم جلد جواب عنایت فرمائیں ۔
لاؤڈ سپیکر میں اذان دینا جائز ہے، البتہ بہتر یہ ہے کہ اذان کی جگہ مسجد سے باہر ہو مسجد کے حدود میں اذان کہنا اچھا نہیں، جبکہ گھر میں اذان دینا اور مسجد میں اذان دیئے بغیر جماعت کرانا مکر وہ اور خلاف سنت ہے۔
ففي الفتاوى الهندية: وينبغي أن يؤذن على المئذنة أو خارج المسجد ولا يؤذن في المسجد كذا في فتاوى قاضي خان. والسنة أن يؤذن في موضع عال يكون أسمع لجيرانه ويرفع صوته ولا يجهد نفسه. كذا في البحر الرائق. اھ (1/ 55)
وفي حاشية الطحطاوي: ويكره أن يؤذن في المسجد كما في القهستاني عن النظم فإن لم يكن ثمة مكان. مرتفع للأذان يؤذن في فناء المسجد كما في الفتح اھ (ص: 197)