والد صاحب کا شراب اورچرس پینا اور نماز نہ پڑھنا، شریعت میں اس کی رہنمائی کرنے کا طریقہ کیا ہے؟

السلام علیکم ورحمۃ اللہ وبرکاتہ! اپنا نام نہ بتانے کے لیے معذرت چاہتا ہوں ، مجھے آپ کی بہت مدد کی ضرورت ہے، براہ مہربانی جلد از جلد اجواب دیجئے گا، میرے ابو دو سال سے شراب اور چرس پی رہا ہے، نماز بھی نہیں پڑھتے بلکل دور ہوگیا ہےان چیزوں سے ، ان کی ماشاءاللہ داڑھی ہے آدھے سے زیادہ قرآن پاک حفظ کیا ہے، پھر سب جانتے ہوئے بھی ایسا آنجان رہ کر جیتے ہیں ، دنیا جہاں کی سکالرز کو پڑھ چکے ہیں، اسلام کی ہر چیز جانتے ہوئے بھی یہ سب کرتے ہیں کچھ سمجھ نہیں آتا گھر میں ہر وقت بے سکونی کی فضا رہتی ہے، میں سب سے بڑا بیٹا ہوں بہت بولاا نہیں ، پھر مجھے بھی بدتمیزی اور نافرمانی کا کہہ کر چپ کروادیتا ہے، امی کو بھی گالیاں دیتا ہے اگر وہ کچھ کہہ دیں تو اگر کسی عالم یا مفتی کا بولوں توکہتا ہے میں انہیں نہیں مانتا، کہتا ہے میں خود قیامت کے دن جب اللہ کو جواب دونگا توسن لینا کہ یہ سب کون کرتا تھا، خدا را کوئی حل بتائیں عزت کی خاطر میں کسی سے یہ بات کہہ بھی نہیں سکتا نہ اس مسئلے کا پوچھ سکتا ہوں۔براہ مہربانی کچھ حل بتائیں اللہ آپ کو ہمیشہ خوش رکھے جواب کا انتظار کروں گا۔

الجوابُ حامِدا ًو مُصلیِّا ً

آپ کے والد جس برے ماحول کی وجہ سے اس بری عادت میں پڑھ گئے ہیں ، پہلے اس برے ماحول سے ا ن کو الگ کر کے انہیں، اچھی اور نیک صحبت مہیا کریں، ان کے نیکو کار متعلیقین اور دوستوں سے بھی گزارش کرسکتے ہیں، کہ وہ اس سلسلسہ میں آپ کی معاونت کریں،انہیں پیار ومحبت کے ساتھ سمجھائیں ،اگر ممکن ہوسکتے تو کچھ وقت کے لیے تبلیغی جماعت کے ساتھ بھی بھیج سکتے ہیں، اور اللہ تعالی سے دعا بھی کریں کہ اللہ تعالی انہیں ہدایت عطاء فرمائیں۔

مأخَذُ الفَتوی