نکاح

سنی لڑکی کا شیعہ لڑکے سے نکاح کا حکم

فتوی نمبر :
101155
| تاریخ :
2026-11-04
معاملات / احکام نکاح / نکاح

سنی لڑکی کا شیعہ لڑکے سے نکاح کا حکم

کیا شیعہ لڑکی سے نکاح ہوسکتا ہے ؟

الجوابُ حامِدا ًو مُصلیِّا ً

واضح ہو کہ شیعہ لڑکی اگر فرقہ اثنا عشریہ سے تعلق نہ رکھتی ہو اور نہ ہی صریح مخالفِ قرآن کوئی کفریہ عقیدہ رکھتی ہو، مثلاً حضرت علی رضی اللہ عنہ کی الوہیت کی قائل نہ ہو ، اور نہ ہی حضرت عائشہ رضی اللہ عنہا پر لگائی گئی تہمت کو درست مانتی ہو ، اور حضرت صدیق اکبر رضی اللہ عنہ کی صحابیت کی بھی منکر نہ ہو ، اور حضرت جبرائیل علیہ السلام کے وحی لانے میں غلطی کی بھی قائل نہ ہو ، اور قرآن کریم میں تحریف کی بھی قائل نہ ہو اورواقعۃً اہلِ سنت والجماعت کے بنیادی عقائد کی قائل ہو، کسی صحابی کی تنقیص اور سبّ و شتم نہ کرتی ہو، ان کی عدالت و عظمت کی منکر نہ ہو، اہلِ بیت سے محبت کے ساتھ ساتھ خلفائے راشدین اور دیگر صحابۂ کرام رضی اللہ عنہم کا احترام کرتی ہو تو ایسی شیعہ لڑکی سے کسی بھی سنی لڑکے کا نکاح کرنا اگر چہ جائز اور درست ہے، البتہ چونکہ عقائد کا معاملہ نہایت حساس ہے، اس لیے محض ظاہری دعووں یا محبت کی بنیاد پر فیصلہ نہ کیا جائے، بلکہ کسی مستند، متدین اور صاحبِ علم عالمِ دین کے سامنے دونوں خاندانوں کے عقائد کی اچھی طرح تحقیق کرلی جائے۔ اگر تحقیق کے بعد اس کے عقائد کا کفر پر مشتمل نہ ہونا معلوم ہوجائےتو اس سے نکاح کرنے کی اگر چہ گنجائش ہے،مگر بہتر یہ ہے کہ اس کے بجائے کسی صحیح العقیدہ سنی لڑکی سے نکاح کیا جائے ، تاکہ آنےوالی نسلوں پر غلط اثر نہ پڑے اور نظریات کے مختلف ہونے کی وجہ سے باہم اختلافات کی فضا قائم نہ ہو جائے۔

مأخَذُ الفَتوی

كما فى حاشية ابن عابدين : وبهذا ظهر أن الرافضي إن كان ممن يعتقد الألوهية في علي، أو أن جبريل غلط في الوحي، أو كان ينكر صحبة الصديق، أو يقذف السيدة الصديقة فهو كافر لمخالفته القواطع المعلومة من الدين بالضرورة، بخلاف ما إذا كان يفضل عليا أو يسب الصحابة فإنه مبتدع لا كافر كما أوضحته في كتابي تنبيه الولاة والحكام عامة أحكام شاتم خير الأنام أو أحد الصحابة الكرام عليه وعليهم الصلاة والسلام.اھ(كتاب النكاح،فصل في المحرمات،ج:٣ص:٢٨،ط:مصطفى البابي الحلبي وأولاده بمصر)
کما فی صحیح البخاری: عن أبي هريرة رضي الله عنه، عن النبي صلى الله عليه وسلم قال:(‌تنكح ‌المرأة ‌لأربع: لمالها ولحسبها وجمالها ولدينها، فاظفر بذات الدين تربت يداك،( باب: الأكفاء في الدين،ج: 5،ص: 1958،رقم الحدیث: 4802،مط: دار ابن کثیر)
و فی ردالمحتار: وبهذا ‌ظهر ‌أن ‌الرافضي ‌إن ‌كان ‌ممن ‌يعتقد الألوهية في علي، أو أن جبريل غلط في الوحي، أو كان ينكر صحبة الصديق، أو يقذف السيدة الصديقة فهو كافر لمخالفته القواطع المعلومة من الدين بالضرورة اھ( ‌‌كتاب النكاح، فروع طلق امرأته تطليقتين،ج: 3،ص: 46،مط: دار الفکر بیروت)
و فی البدائع: ومنها ‌أن ‌لا ‌تكون ‌المرأة ‌مشركة ‌إذا ‌كان الرجل مسلما، فلا يجوز للمسلم أن ينكح المشركة؛ لقوله تعالى: {ولا تنكحوا المشركات حتى يؤمن} (البقرة: 221)اھ (كتاب النكاح، ج: 2،ص: 270،مط: دار الکتب العلمیہ)
و فیه ایضاً: أن الأصل أن لا يجوز للمسلم أن ينكح الكافرة؛ لأن ازدواج الكافرة والمخالطة معها مع قيام العداوة الدينية لا يحصل السكن والمودة الذي هو قوام مقاصد النكاح اھ( كتاب النكاح،ج: 2،ص: 270،مط: دار الکتب العلمیہ)

واللہ تعالی اعلم بالصواب
محمد زکریا خادم عُفی عنه
دار الافتاء جامعه بنوریه عالمیه
فتوی نمبر 101155کی تصدیق کریں
0     18
Related Fatawa متعلقه فتاوی
Related Topics متعلقه موضوعات