اگر دو مرد آپس میں بدفعلی کرتے ہیں دونوں اور ان دونوں کی بہنوں کا ایک دوسرے سے نکاح جائز ہے یا نہیں؟ اگر وہ دونوں بالغ ہوں، نابالغ ہوں یا ایک بالغ ہو ایک نابالغ ہو تو اس طرح نکاح جائز ہے یا نہیں؟ یہ آپ مجھے بتا دیں پلیز
واضح ہو کہ سوال میں مذکور فعل انتہائی گھٹیا اور بے حیائی پر مبنی ہونے کے ساتھ ساتھ گناہ کبیر ہے، جس سے وہ دونوں سخت گناہگار ہوئے ہیں ، اگر اسلامی قانون نافذ العمل ہوتا، تو ان دونوں کو سخت قسم کی تعزیزی سزا دی جاتی، ان دونوں پر لازم ہے کہ اپنے اس قبیح فعل پر بصدقِ دل توبہ و استغفار کرے ، اور آئندہ اس قسم کی حرکات سے بچنے کا پختہ عزم کرے ،البتہ اس فعل کی وجہ سے ان دونوں پر ایک دوسرے کی بہنیں حرام نہیں ہوئیں، اگر ان کا ایک دوسرے کی بہنوں سے نکاح کر دیا جائے تو یہ نکاح شرعا درست منعقد ہوگا۔
کما في فتاوي قاضيخان:لوجامع الرجل رجلا لايحرم علي الفاعل ام المفعول به و ابنته الخ(کتاب النکاح، باب المحرمات: ج:١،ص:317،ط:دار الکتب العلميه)