شرکت و مضاربت

رئیل اسٹیٹ کمپنی کے ساتھ شرکت کا حکم

فتوی نمبر :
99376
| تاریخ :
2026-09-14
معاملات / مالی معاوضات / شرکت و مضاربت

رئیل اسٹیٹ کمپنی کے ساتھ شرکت کا حکم

السلام علیکم و رحمتہ اللہ۔محترم، ایک رئیل اسٹیٹ کمپنی کے کاروباری معاہدے اور سرمایہ کاری (انویسٹمنٹ) کے طریقے سے متعلق شریعت کا حکم جاننا چاہتا تھا۔ کمپنی کا اصل کاروبار یہ ہے کہ وہ خالی جگہ یا زمین خریدتے ہیں، پھر اسے بھرائی اور ڈویلپ کر کے گھر یا بلڈنگ بنانے کے قابل بنا کر پلاٹ کے طور پر بیچتے ہیں۔ اور اکثر اوقات خود بلڈنگ بنا کر فلیٹ بھی بیچتے ہیں۔حالیہ دنوں میں انہوں نے مجھے اپنے کاروبار میں پارٹنر یا سرمایہ کار بننے کی ایک آفر دی ہے۔ ان کی آفر درج ذیل ہے:۱۔ میں جتنی رقم بھی انویسٹ یا سرمایہ کاری کروں گا، کمپنی نے میرے اس سرمائے پر 100% منافع دینے کی آفر کی ہے۔ یعنی اگر کوئی 1 لاکھ روپے انویسٹ کرتا ہے، تو اسے منافع کے طور پر مزید 1 لاکھ روپے دیے جائیں گے (ٹوٹل 2 لاکھ روپے)۔۲۔ یہ پوری رقم (اصل سرمایہ + فکسڈ منافع) ایک ساتھ نہ دے کر، معاہدے کے مطابق مخصوص مدت کے اندر (جیسے: 24 مہینے یا 2 سال) ہر مہینے مخصوص قسطوں میں تقسیم کر کے واپس کی جائے گی، اور اس کے ساتھ ساتھ اصل سرمایہ بھی (ہر مہینے منافع کے ساتھ برابر مقدار میں) ادا کیا جائے گا۔۳۔ یہاں منافع یا پرافٹ کی شرح حاصل شدہ نفع پر طے کرنے کے بجائے براہِ راست میرے دیے گئے سرمائے پر فکسڈ یا متعین کر دی گئی ہے۔ اس کے علاوہ مجھے بتایا گیا ہے کہ کاروبار میں کسی بھی نقصان یا خسارے کا خطرہ مجھے برداشت نہیں کرنا پڑے گا۔محترم، اسلامی شریعت کے مطابق اس طریقے سے رئیل اسٹیٹ کمپنی میں رقم انویسٹ کرنا اور وہاں سے ہر مہینے اس طرح فکسڈ منافع لینا کیا جائز ہوگا؟ براہِ کرم قرآن و سنت کی روشنی میں رہنمائی فرما کر مشکور فرمائیں۔

الجوابُ حامِدا ًو مُصلیِّا ً

سوال میں مذکور کمپنی کے کاروباری معاہدے کی جو تفصیلات سائل نے درج کی ہیں، ان تفصیلات اور شرائط کے ساتھ اس میں انویسٹمنٹ اور سرمایہ کاری کرنا شرعی أصول وضوابط کے مطابق نہ ہونے کی وجہ سے جائز نہیں، خاص طور پر منافع کے لئے سرمایہ کو بنیاد بنا کر اس پر نفع دینے اور سرمایہ کا بہر حال محفوظ رہنے کی شرط لگانے سے مذکور معاملہ قرض اور اس پر نفع دیے جانے کی صورت بن جاتی ہے، جو سود کی ایک صورت ہے، لہذا مذکور کمپنی میں سرمایہ کاری اور پیسے لگانے سے احتراز لازم ہے۔

مأخَذُ الفَتوی

كما في الدر المختار: (هي) لغة مفاعلة من الضرب في الأرض وهو السير فيها وشرعا (عقد شركة في الربح بمال من جانب) رب المال (وعمل من جانب) المضارب.اهـ (كتاب المضاربة، ج: 5، ص: 645، ط: إيج إيم سعيد)
وفيه أيضا: (وكون الربح بينهما شائعا) فلو عين قدرا فسدت (وكون نصيب كل منهما معلوما) عند العقد.اهـ (ج: 5، ص: 648، ط: إيج إيم سعيد)
وفيه أيضا: ومن شروطها: كون نصيب المضارب من الربح حتى لو شرط له من رأس المال أو منه ومن الربح فسدت.إلخ (كتاب المضاربة، ج: 5، ص: 648، ط: إيج إيم سعيد)
وفيه أيضا: فصل في القرض (هو) لغة: ما تعطيه لتتقاضاه، وشرعا: ما تعطيه من مثلي لتتقاضاه وهو أخصر من قوله (عقد مخصوص) أي بلفظ القرض ونحوه (يرد على دفع مال) بمنزلة الجنس (مثلي) خرج القيمي (لآخر ليرد مثله) خرج نحو وديعة وهبة.اهـ (باب المرابحة، فصل في القرض، ج: 5، ص: 161، ط: إيج إيم سعيد)
وفي رد المحتار: (قوله كل قرض جر نفعا حرام) أي إذا كان مشروطا كما علم مما نقله عن البحر، وعن الخلاصة وفي الذخيرة وإن لم يكن النفع مشروطا في القرض. إلخ (باب المرابحة، فصل في القرض، ج: 5، ص: 166، ط: إيج إيم سعيد)

واللہ تعالی اعلم بالصواب
قاضی محمد اللہ عُفی عنه
دار الافتاء جامعه بنوریه عالمیه
فتوی نمبر 99376کی تصدیق کریں
0     110
Related Fatawa متعلقه فتاوی
  • مشترکہ رقم سے ،کسی ایک شریک کا اپنے مہمان کو کھانا کھلانا

    یونیکوڈ   شرکت و مضاربت 0
  • کاروبار میں شرکت کا صحیح طریقہ

    یونیکوڈ   شرکت و مضاربت 7
  • مکان میں کسی کو شریک کرنے کا طریقہ کار

    یونیکوڈ   شرکت و مضاربت 1
  • شریک کے لیے تنخواہ مقررکرنا

    یونیکوڈ   شرکت و مضاربت 3
  • مضاربت کے مختلف مسائل

    یونیکوڈ   شرکت و مضاربت 0
  • شریکین میں منافع کی تقسیم کا طریقہ

    یونیکوڈ   شرکت و مضاربت 1
  • ایک شریک کا کمپنی سے قرض سے لیکر اس پر اسی کمپنی سے فلیٹ خریدکر شرکت ختم ہونے کے بعد باقی شرکاء کا اس فلیٹ کی موجودہ مارکیٹ ویلیو کے اعتبار سے قرض کی وصولی کا مطالبہ کرنا

    یونیکوڈ   شرکت و مضاربت 0
  • معاضہ طے کئے بغیر کسی کے کاروبار میں محنت کرنے والے کا حصہ کا مطالبہ کرنا

    یونیکوڈ   شرکت و مضاربت 0
  • میزان بینک ٹرم سرٹیفیکیٹ کا حکم

    یونیکوڈ   شرکت و مضاربت 0
  • جس کی آمدنی کا معلوم نہ ہو کہ حلال یا حرام, اس کے ساتھ کاروباری معاملات کرنا

    یونیکوڈ   شرکت و مضاربت 1
  • میزان ماہانہ مضاربہ منافع کا حکم

    یونیکوڈ   شرکت و مضاربت 1
  • شرکاء کا مشترکہ چیز , کسی ایک شریکِ کو حوالے کیے بغیر گفٹ کر کے اس کے نام کردینے کا حکم

    یونیکوڈ   شرکت و مضاربت 0
  • سرمایہ دار کا، کاروبار کے اختتام پر سامان فروخت کرکے سرمایہ وصول کرنے کی شرط لگانا

    یونیکوڈ   شرکت و مضاربت 0
  • میزان بینک کے سیونگ اکاؤنٹ میں انویسٹمنٹ کرنا

    یونیکوڈ   شرکت و مضاربت 0
  • کاروباری شرکت میں نقصان سے متعلق حکم

    یونیکوڈ   شرکت و مضاربت 0
  • کاروباری بندے کو رقم دی لیکن کوئی معاہدہ , شراکت یا مضاربت کی تصریح و تعیین نہ ہوئی

    یونیکوڈ   شرکت و مضاربت 0
  • میزان بینک میں انویسٹمنٹ کرنے کا حکم

    یونیکوڈ   شرکت و مضاربت 0
  • کاروباری شرکت کے اصول

    یونیکوڈ   شرکت و مضاربت 1
  • اسمارٹ نامی کمپنی میں انویسمنٹ کرنا

    یونیکوڈ   شرکت و مضاربت 0
  • میزان بینک کے سیونگ اکاؤنٹ میں انویسمنٹ کرنے کا حکم

    یونیکوڈ   شرکت و مضاربت 0
  • تکافل کمپنیوں کی پالیسی لینے کا حکم

    یونیکوڈ   شرکت و مضاربت 0
  • تکافل لائف انشورنس کا حکم

    یونیکوڈ   انگلش   شرکت و مضاربت 0
  • وراثتی کاروبار سے کسی ایک وارث کی شرکت ختم کرنا

    یونیکوڈ   شرکت و مضاربت 1
  • والد نے بیٹے کو زندگی میں کاروبار کے لیے جو رقم دی تھی وہ والد کے ترکے میں شامل ہوگی؟

    یونیکوڈ   شرکت و مضاربت 0
  • عسکری لائف ونڈو تکافل کی شرعی حیثیت

    یونیکوڈ   شرکت و مضاربت 1
Related Topics متعلقه موضوعات