السلام علیکم ورحمۃ اللہ وبرکاتہ! میری پانچ بچیاں اور ایک شیرخوار بچہ ہے ،ہم چار بھائی ہیں سب سے چھوٹے کی شادی نہیں ہوئی والدین نے ابھی تک نہ تو مکان اور نہ تو زمین وغیرہ تقسیم کی ہے مجھے دوسرے بھائی کی شادی کے بعد الگ کر دیا میں اس کے باوجود انہیں ماہانہ دس ہزار تک خدمت کرتا ہوں ، سوال یہ ہے کہ وہ بڑی رقم چھوٹے بھائی کے مکان کے لئے مانگ رہے ہیں جبکہ میرا اپنا مکان زاتی طور پر ہے ہی نہیں نہ دینے پر وہ مجھ سے ناراض ہیں کیا ان کی یہ ناراضگی میرے لئے آخرت میں عزاب کا باعث بنے گی جبکہ میرا اپنا مکان بچیوں کی پڑھائی اور پھر ان کی شادیاں سب میری زمعہ داری میں ہیں زاتی طور پر میں ان کی جانی مالی خدمات کرتا رہا ہوں۔
صورتِ مسئولہ میں اگر سائل اپنے ضروری اخراجات، بچوں کی تعلیم و پرورش اور مستقبل کی ضروری ذمہ داریوں کے باعث مذکورہ بڑی رقم دینے کی استطاعت نہ رکھتا ہو،تو چھوٹے بھائی کے مکان کے لیے رقم دینا اس پر شرعاً لازم نہیں، لہٰذا صرف رقم نہ دینے کی وجہ سے والدین کی ناراضی سے سائل گناہ گار نہیں ہوگا۔ البتہ والدین کی دل آزاری سے بچتے ہوئے حسبِ استطاعت ان کی مالی و جسمانی خدمت اور حسنِ سلوک جاری رکھنا لازم ہے۔