ملازمت کی جگہ پندرہ دن سے چند گھنٹے قبل تک قیام کرنے سے نماز میں قصر لازم ہوگی؟

میں تقریباً صبح 7 بجے اپنے گھر سے نوکری کے لئے جاتا ہوں اور پندرہویں دن تقریباً 5 بجے تک واپسی ہو جاتی ہے، کیا میں اپنی ڈیوٹی کے دوران پوری نماز ادا کروں یا قصر نماز ادا کروں؟ راہ نمائی فرمائیں۔ جزاک اللہ خیرا !

الجوابُ حامِدا ًو مُصلیِّا ً

واضح ہو کہ کسی مسافر کے مقیم بننے کیلئے مکمل پندرہ دن یعنی پندرہ دن اور پندرہ راتیں قیام کی نیت شرط ہے،اگر ایک ساعت بھی مکمل پندرہ دن سے کم کی نیت ہو ،تو ایسا شخص پھر مقیم شمار نہیں ہوگا اور نماز قصر ہی ادا کریگا ، لہذا صورت مسؤلہ میں اگر سائل کے گھر اور نوکری کی جگہ کے درمیان شرعی مسافت کے بقدر فاصلہ ہے (جو کہ 48میل یعنی سوا ستتر کلو میٹر بنتا ہے )اورپندرہویں دن ختم ہونے سے پہلے سائل وہاں سے نکل جاتا ہے اور سائل نے ایک بار بھی ملازمت کی جگہ پر مکمل پندرہ دن قیام کی نیت نہ کی ہو ،تو ایسی صورت میں مکمل پندرہ دن سے کم قیام کی نیت کی وجہ سے سائل مسافر شمار ہوگا، اور انفرادی نماز ادا کرتے وقت اس کے ذمہ پوری نماز پڑھنے کے بجائے قصر کرنا لازم ہوگا ۔

مأخَذُ الفَتوی

کما فی الھندیة: ولا بد للمسافر من قصد مسافة مقدرة بثلاثة أيام حتى يترخص برخصة المسافرين وإلا لا يترخص أبدا الخ (کتاب الصلاۃ، ‌‌الباب الخامس عشر في صلاة المسافر ج: ،1 ص: 139،مط: دارالفکر بیروت)
وفیھا ایضاً: ولا يصير مسافرا بالنية حتى يخرج ويصير مقيما بمجرد النية الخ(الباب الخامس عشر في صلاة المسافر ج: 1،ص: 139،مط: دارالفکربیروت)
و فی الدر المختار: ولو لموضع طریقان لاحدھما مدۃ السفر والاخر اقل قصر فی الاول لا فی الثانی الخ (باب صلاۃ المسافر ج: 2، ص: 123، مط: بیروت )
و فی ردالمحتار: (فيقصر إن نوى) الإقامة (في أقل منه) أي في نصف شهر (قوله في أقل منه) ظاهره ولو بساعة واحدة وهذا شروع في محترز ما تقدم الخ (باب صلاۃ المسافر، ج: 2،ص: 125،مط: بیروت )
و فی مختصر القدوری : ومن خرج مسافرا صلى وكعتين إذا فارق بيوت المصر ‌ولا ‌يزال ‌على ‌حكم ‌السفر حتى ينوي الإقامة في بلد خمسة عشر يوما فصاعدا فيلزمه الإتمام وإن نوى الإقامة أقل من ذلك لم يتم الخ (باب صلاۃ المسافر، ج: 1،ص: 38،مط: دارالکتب العلمیة)