مضاربت میں نفع و نقصان فیصد کے اعتبار سے طے کرنا

کیا فرماتے ہیں علماءِ دینِ متین و مفتیانِ شرعِ مبین دریں مسئلہ !
کہ زید اور بکر میں کاروباری معاہدہ ہوا کہ زید کا کارخانہ ہے، جس میں پلاسٹک کی چپلیں بنانےکی مشینیں لگی ہوئی ہیں،معاہدہ یہ ہوا کہ بکر کاروبار میں لگانے کیلئے رقم فراہم کرے گا، اور سائیٹ کے معاملات کی دیکھ بھال کرے گا، جبکہ زید کارخانہ کے اور پروڈکشن کے معاملات دیکھے گا، اور نفع و نقصان کے تین برابر حصے کرکے ایک حصہ بکر کا ، اور دو حصے زید کے ہونگے ،چنانچہ معاملات شروع ہوتے ہی پہلی پروڈکشن جو بقول زید کے چودہ دن کی محنت سے تیار ہوئی ہے ،اور اس کے ضروری مصارف میں کارخانہ کے چودہ دن کا خرچہ لگنا چاہیئے ، جبکہ بکر کا کہنا یہ ہے کہ یہ پروڈکشن تین دن میں ہونی چاہیئے ،اس وجہ سے خرچہ تین دن کا لگایا جائے، چنانچہ جب کوئی تصفیہ نہ ہو سکا،تو اب زید اور بکر پوچھنا یہ چاہتے ہیں کہ اگر پرانا معاہدہ کالعدم کر کے نیا معاہدہ کر لیا جائے کہ کاروبار کا تمام نفع و نقصان زید کا ہو، مگر وہ بکر کی لگائی ہوئی رقم کے بدلے اور اس کے مارکیٹ کے معاملات کی دیکھ بھال کے بدلے میں اس کو فی جوڑا کوئی رقم مثلاً ایک روپیہ یا دو روپیہ متعین کر کے دےد یا کرے،آیا یہ صورت شرعاً جائز ہے یا کیا ؟ براہِ کرم حکمِ شرعی سے آگاہ فرما کر ممنون و مشکور فرمائیں۔

الجوابُ حامِدا ًو مُصلیِّا ً

سوال میں مذکور پہلا طریقہ مضاربت درست جبکہ دوسرا جائز نہیں ۔ اب اگر پہلے طریقے پر عمل کی صورت ممکن نہ ہو اس صورت میں مضاربت کا یہ طریقہ اختیار کیا جا سکتا ہے کہ رب المال یعنی مذکور بکر کو بطور مضاربت (یعنی نفع و نقصان میں شریک رکھ کر) فیصد کے اعتبار سے ایک معقول نفع دیا جائے۔اور اس کی ذاتی خدمات کے عوض بطورِ اجرت اس کی تنخواہ مقرر کیجائے ۔