109 کلو میٹر سفر طے کرنے سے قصر نماز کاحکم

السلام علیکم و رحمۃ اللہ وبرکاتہ !
استاد محترم اس مسئلہ کے متعلق فتویٰ مطلوب ہے ،اگر آپ عنایت فرمائیں۔
کیا فرماتے ہیں علماءِ کرام اس مسئلہ کے بارے میں کہ میرے گھر سے میری جائے ملازمت (چکوٹھی )تریسٹھ کلومیٹر ہے ،درمیان( گڑھی دوپٹہ)سے شہر (مظفرآباد)کی طرف تئیس کلومیٹر جاتا ہوں، اور واپس گڑھی دوپٹہ سے ہو کر چکوٹھی جاتا ہوں ،اب چکوٹھی تک میرا سفر 109 کلومیٹر ہو جاتا ہے اس صورت میں نماز قصر یا پوری پڑھنا ہوگی؟
تنقیح :گڑھی دوپٹہ سے مظفرآباد ایک ہی راستہ سے جانا،آنا ہوتاہے۔

الجوابُ حامِدا ًو مُصلیِّا ً

سائل اگر 109 کلو میٹر طے کرکے جائے ملازمت جاتاہو،اور وہاں ایک مرتبہ پندرہ دن یا اس سے زائد قیام کی نیت کر چکا ہو،اور وہاں اس کے رہائش کا بندوبست بھی موجودہوتو ایسی صورت میں سائل اپنی جائے ملازمت میں مقیم شمار ہوگا،اور پوری نماز پڑھنا اس پر لازم ہوگا،لیکن اگر ابھی تک پندرہ دن کے قیام کی نیت نہ کی ہوتو ایسی صورت میں سائل اپنی جائے ملازمت میں مسافر شمار ہوگا،اور اپنی انفرادی چار رکعت والی نمازمیں قصر کرنا لازم ہوگا۔

مأخَذُ الفَتوی

کما في البدائع: وأما بیان ما یصیر المسافر بہ مقیما: فالمسافر یصیر مقیمًا بوجود الإقامۃ، والإقامۃ تثبت باربعۃ أشیاء: أحدہا صریح نیۃ الإقامۃ وہو أن ینوی الإقامۃ (إلی قولہ) فلا بدمن اربعۃ أشیاء:نیۃ الإقامۃ ونیۃ مدۃ الإقامۃ،واتحاد المکان،وصلاحیتہ للاقامۃ (1 / ۹۷) ۔
وفی الدر المختار:(من خرج من عمارة موضع إقامته) من جانب خروجه وإن لم يجاوز من الجانب الآخر. وفي الخانية: إن كان بين الفناء والمصر أقل من غلوة وليس بينهما مزرعة يشترط مجاوزته وإلا فلا (قاصدا) ولو كافرا، ومن طاف الدنيا بلا قصد لم يقصر (مسيرة ثلاثة أيام ولياليها) من أقصر أيام السنة ولا يشترط سفر كل يوم إلى الليل بل إلى الزوال ولا اعتبار بالفراسخ على المذهب (بالسير الوسط مع الاستراحات المعتادة) حتى لو أسرع فوصل في يومين قصر؛ ولو لموضع طريقان أحدهما مدة السفر والآخر أقل قصر في الأول لا الثاني. اھ (2/122/123)۔
وفی الہندیۃ: ولا يزال على حكم السفر حتى ينوي الإقامة في بلدة أو قرية خمسة عشر يوما أو أكثر، كذا في الهداية (ج1،ص 139، ماجدیۃ)۔