السلام علیکم ورحمۃ اللہ و برکاتہ!
میں نے ایک یوٹیوب چینل بنانے کا سوچا ہے جس میں مشہور شخصیات کی حالاتِ زندگی پر بات ہوگی ۔ اول تو آپ میری رہنمائی فرمائیں کہ اس کام میں کیا جائز ہے اور کیا ناجائز ہے ؟ دوم یہ کہ حالاتِ زندگی پر اگر بات کی جائے تو اکثر اس میں اس شخص کی بیوی ، بہن ، اور والدہ کا تذکرہ ہوسکتا ہے، تو دیڈیو ایڈیٹنگ میں ان کی تصاویر لگا سکتے ہیں؟ جبکہ ان کی تصاویر پہلے سے ہی ان کی مرضی سے سوشل میڈیا پر موجود ہیں۔ اسی طرح غیر مسلم خاتون کی تصاویر کے کیا احکام ہیں؟ جزاکم اللہ خیراً ۔
واضح ہوکہ یوٹیوب پر چینل بناکر اس میں غیر شرعی امور ( میوزک فحش مواد اور عورتوں کی تصاویر وغیرہ ) سے پاک ویڈیوز اپلوڈ کرنا جائز اور درست ہے، اگرچہ وہ مشہور شخصیات کے حالاتِ زندگی پر کیوں نہ ہوں، مگر ان ویڈیوز پر اشتہار چلاکر اس کے ذریعہ پیسہ کمانے کے متعلق تفصیل یہ ہے کہ جو اشتہارات غیر شرعی امور پر مشتمل نہ ہوں ، اور نہ ہی ان کے ذریعہ کسی حرام پروڈکٹ یا عمل کی تشہیر ہو تی ہو تو اس طرح کی ویڈیوز پر ایسے اشتہارات چلانے اور اس کے ذریعہ حاصل شدہ کمائی کو بھی استعمال میں لانے کی اجازت ہے ، البتہ جو اشتہارات غیر شرعی امور پر مشتمل ہوں، یا ان کے ذریعہ کسی حرام پروڈکٹ کی تشہیر ہوتی ہو ، یا وہ پروڈکٹ حلال تو ہو، لیکن اس کی تشہیر میں کسی میوزک یا عورت کی تصاویر استعمال کی ہو ، تو ایسی صورت میں ایسی ویڈیوز پر اپنے اختیارسے ایسے اشتہار چلانا جائز نہیں ، اور ایسی صورت میں ان اشتہارات کے ذریعہ حاصل شدہ کمائی کو اپنے استعمال میں لانا بھی درست نہیں ۔ البتہ اگر کوئی یوٹیوب پر غیر شرعی امور پر مشتمل اشتہارات روکنے کے لئے اپنی تمام ممکنہ تدابیر اختیار کرلے، اور اس کے باوجود بھی یوٹیوب کی طرف سے ویڈیوز پر غیر شرعی امور پر مشتمل اشتہارات چلائے جاتے ہوں ، تو ایسی صورت میں امید ہے کہ یوٹیوب پر چینل بنانے والا اس گناہ میں شریک نہ ہوگا ۔ تاہم ایسی صورت میں بھی ”ایڈز ریوویو سینٹر “ کے ذریعہ تمام تفصیلات معلوم کرکے غیر شرعی اشتہارات کے ذریعہ حاصل شدہ آمدنی کو اپنے استعمال میں لانے کے بجائے صدقہ کرنا چاہیے، تاہم اگر اس کے باوجود بھی غیر شرعی اشتہارات کے ذریعہ حاصل شدہ آمدنی کی مکمل تمیز نہ ہوسکے تو غالب گمان کے مطابق کچھ رقم صدقہ کرنا چاہیئے۔ لہذا صورتِ مسئولہ میں بھی سائلہ کو ان تمام امور کو مد نظر رکھ کر یوٹیوب چینل بنانے کی گنجائش ہوگی ۔
دورِ حاضر میں ، حالاتِ حاضرہ سے باخبر رہنے کی ضرورت کی بناء پر ، گھر میں ،ٹی وی رکھنا
یونیکوڈ انفارمیشن ٹیکنالوجی 0ایسا سافٹ ویئر بنانا جس کو جائز و ناجائز دونوں طرح کے کاموں میں استعمال کیا جاسکتا ہو
یونیکوڈ انفارمیشن ٹیکنالوجی 3سوفٹ ویئر انجینئر کے لیےایسے کمپنی میں کام کرنا جو موبائل گیمز بناتی ہواور آن لائن حل مہیا کر کے کرایہ لینے کا حکم
یونیکوڈ انفارمیشن ٹیکنالوجی 0ملٹی میڈیا کے شعبے میں کام اور اس میں ٹیکنیکل مسائل کی دیکھ بال کرنے پر اجرت لینے کا حکم
یونیکوڈ انفارمیشن ٹیکنالوجی 0مشہور شخصیات سے متعلق معلومات پر مبنی ویڈیو سوشل میڈیا پر اپلوڈ کرکے کمائی کرنا جائز ہے؟
یونیکوڈ انفارمیشن ٹیکنالوجی 0