سافٹ ویئر انجینئر کی آئی ٹی ملازمت

امریکن ایکسپریس کریڈٹ کارڈ کمپنی (American Express Credit Card Company) میں ملازمت کے بارے میں سوال ہے، میں ایک سافٹ ویئر انجینئر ہوں اور میری ملازمت آئی، ٹی (I.T) کی ہے، میرا سوال یہ ہے کہ اسلام کی رو سے یہ کام جائز ہے کہ نہیں؟

الجوابُ حامِدا ًو مُصلیِّا ً

آئی، ٹی (I.T) کی ملازمت جس کا تعلق براہِ راست سودی معاملات سے نہ ہو، اگرچہ کسی بھی ادارہ میں اختیار کرنے کی گنجائش ہے، مگر بہتر یہ ہے کہ اس قسم کی ملازمت بھی کسی غیر سودی ادارے میں اختیار کی جائے۔

مأخَذُ الفَتوی

فی فقہ البیوع للمفتی تقی العثمانی: فإن کانت الوظیفۃ تتضمن مباشرۃ العملیات الربویۃ، أو العملیات المحرمۃ الأخری فقبول ھذہ الوظیفۃ حرام (إلی قولہ) أما إذا کانت الوظیفۃ لیس لھا علاقۃ مباشرۃ بالعملیات الربویۃ مثل وظیفۃ الحارس أو السائق (إلی قولہ) فلا یحرم قبولھا إن لم یکن ھٰذہ الإعانۃ علی العملیات المحرمۃ، وإن کان الاجتناب عنہ أولی۔ اھـ (ج٢، ص١٠٤٤) واللہ تعالیٰ اعلم بالصواب