بیوی اگر اسلام قبول نہ کرے تو شوہر کے لۓ کیا حکم ہے؟

کیا فرماتے ہیں علماءِ کرام اس مسئلہ کے بارے میں کہ ایک شخص آغاخانی تھا اور اب مسلمان ہوگیا ہے،لیکن اس کی بیوی ابھی تک آغاخانی ہے اور وہ مسلمان ہونا نہیں چاہتی ہے ، تو معلوم یہ کرنا ہے کہ کیا ان دونوں کا باہم میاں بیوی کی حیثیت سے رہنا جائز ہے یا نہیں؟ اور مذکور شخص کو اپنی بیوی کیساتھ کیا معاملہ کرنا چاہیۓ ؟

الجوابُ حامِدا ًو مُصلیِّا ً

شخصِ مذکور کی بیوی اگر باوجود دعوتِ اسلام کے ، مسلمان ہونا نہیں چاہتی تو ایسی صورت میں ان دونوں کا باہم میاں بیوی کی حیثیت سے رہنا جائز نہیں ،اس لۓ شخصِ مذکور کو چاہیۓ کہ مذکور خاتون سے علیحدگی اختیار کرے، پھر علیحدگی الفاظِ طلاق بول کر ہوجائے تو یہ زیادہ بہتر ہے ۔

مأخَذُ الفَتوی

فی الدر المختار : (و إذا) (أسلم أحد الزوجين المجوسيين أو امرأة الكتابي عرض الإسلام على الآخر ، فإن أسلم) فبها (و إلا) بأن أبى و سکت فرق بینھما اھ و فی رد المحتار : والمراد بالمجوسي من ليس له كتاب سماوي، فيشمل الوثني والدهري. و أراد المصنف بالزوجين المجتمعين في دار الإسلام ؛ و سيأتي محترزه في قوله و لو أسلم أحدهما ثمة إلخ (قوله أو امرأة الكتابي) أما إذا أسلم زوج الكتابية فإن النكاح يبقى الخ(ج 3 ص 188)۔