’’ختنہ ‘‘سے متعلق مختلف سوالات

میرا سوال ایک غیر مسلم کے حوالے سے ہے ، جو اسلام قبول کرنا چاہتا ہے ، یہ شخص اسلام کے بارے میں بہت گہری دلچسپی لیتا ہے اور اسلام اور مسلمانوں کے بارے میں بہت معلومات رکھتے ہیں ، غیرمسلم کا سوال یہ ہے کہ ختنہ کیا ہے ؟ اور کیوں ضروری ہے اسلامی لحاظ سے؟کیا نو مسلم کے لیے ختنہ کروانا ضروری ہے؟ کیا اسلام قبول کرنے کے لیے یہ شرط ہے؟ چاہے نومسلم جوان ہی کیوں نہ ہو ؟ اگر وہ یہ سنت پوری نہ کرے تو کیا ہوگا؟ شریعت کی رو سے جواب عنایت فرمائیں۔

الجوابُ حامِدا ًو مُصلیِّا ً

ختنہ کرانا سنتِ ابراہیمی اور شعائر اسلام میں سے ہے ، جو بچپن میں زیادہ تکلیف دہ اور ضرر رساں بھی ثابت نہیں ہوتا ، البتہ اگر کوئی شخص بڑی عمر میں اسلام قبول کر لے اور ختنہ کا عمل اس کی صحت کے لیے نقصان دہ ہو سکتا ہو تو اس صورت میں اس پر لازم بھی نہیں۔

مأخَذُ الفَتوی

فی الدر المختار : (و) الأصل أن (الختان سنة) كما جاء في الخبر (و هو من شعائر الإسلام) و خصائصه (فلو اجتمع أهل بلدة على تركه حاربهم) الإمام فلا يترك إلا لعذر و عذر شيخ لا يطيقه ظاهر (و وقته) غير معلوم اھ (۶/۷۵۱)۔